[عالمي زهران]

لايوجد مايؤلم في مباراة الامس اكثر من كسر الخواطر !!
ولايوجد مايؤسف عليه الا الاخلاص !!
تكسرت الخواطر وانعدم الاخلاص !!
ماهذا يا اخضر ؟؟
وش سويتوا يافنايل !!
فنايلكم ابرك منكم !!
لو لعبت فنايلكم لكانت اخلص من اشباح تتحرك !!
انتم اشباح , انتم اشباه , انتم زلايب !!
بالله عليكم ذا منتخب !!
من جدكم ذولي لعيبه !!
بانتفكم واحد واحد !!
باحوس مريركم !!
1- وليد > مسامحينك لانك ابدعت !!
2- اسامه > اثبت لنا انك افضل مدافع عربيا , بنسامحك !!
3- القاضي > ماقصرت يابطل , برضه بنسامحك !!
4- شهيل > ياروعة الاظهره , حرثت الملعب حرث وعشان كذا بنسامحك !!
5- الزوري > ياخي انت وش تبي !! ياخي انت قلق !! ياخي انت زلابه , تفهم ولا ماتفهم !! ياخي جبت لنا الضغط والسكر !!
ياخي ضف , يرحم والديك قلهم انك ماتعرف ترفع ولاتعرف تخش ولاتعرف تسوي ولا شي , ذبحونا فيك , بالعربي يالزوري منت نازل لاحد من زور, فاشل بكل المقاييس !! مارح نسامحك ابد ,,
6- عزيز > قلنا من اول لاعب جسم مو عقل !! يعني ينفع في مباراه وعشره ماينفع !! تحس انه مايدري هو في ملعب ولا برحه !! ماكنا نحتاجك امس بالمره ,, ااخ يااحمد يا عطيف , عفطت قلوبنا بغيابك !! برضه مارح نسامحك ابد ,,
7- عبدالغني > باين انك تفكر بالعالميه والعالمي !! وش هاللعب يعبدالغني ؟ وش هالمستوى ؟ وش هالبطئ الغريب !!ياليتنا ماجبنا طاري لصفقتك , صفقتنا ياحسين و مارح نسامحك ابد ,,
8- نور > طفيت النور يانور !! اطفات اعجابنا بك !! خذلت عشاقك !! انت لم تكن محمد نور بل مطفي النور !! ومارح نسامحك ابد ,,
9- ابو داحم > لله درك ياشيخ !! قتلك المدرب وقتل معك امالنا !! ليه تطلع , ليه تروح !! محتاجينك يالدحمي ,, خلك هنا لاتروح !! لانك مخلص ولعبت من قلب , بنسامحك !!
10 - الشلهوب > مالومك الوم اللي يلومك !! يامحمد ياشلهوب مع احترامي لك الا انك مو انت اللاعب المنقذ , مو انت اللاعب اللي بيجاري هالتماسيح , جسمك مايساعدك ولا حتى مستواك , حسبي الله عليهم ماكن بهالبلد الا هالولد !! يالله بنسامحك !!
11- صاحب > ياصاحب صاحبي ليه كذا !! ليه هالبرود اللي اول مره اشوفك فيه !! ليه هالبطئ البارد !! انت ماتدري انها مصيريه !! انت ماتحس انها فرصه وجت الين عندنا !! ماعندك احساس بصراحه عقب هالبرود والتمشي !!وعلى كذا مارح نسامحك ابد ,,
12- نايف > ياشيخ انت مجنون اخلاص !! انت مجنون كووره !! انت مهاجم تخلق الفرص !! يالبى جنونك يامجنوون !! رح ياشيخ مسموح من هنا الين الملاحق !!
13- ناصر > ورطك المدرب !! ومالومك , انت تبي تسوي شي , لكن هم مايبون !! حاولت لكن ماااش !! عقب ايش تنزل ياناصر , عقب مادخل الخوف في قلوبنا , خمس دقايق !! مايمديك حتى تدز للباب !! ذكرتني بسعدهم الله يذكره بالخير , ركنوه عالكرسي ولما حسوا ان المهاجمين في وادي والباب في وادي , يقالهم ياسعد بيحرجونك !! نزلوك ياسعد مثل مانزلوا ناصر , لكن انت ياسعد جبتها في دقيقتين واحرجتهم في ثواني !!
نفس السيناريو ياناصر حطوك فيه !! انصحك تغير اسمك !! ن ا ص ر صدقني هو السبب في ركنك احتياط ياهداف دوري المحترفين !! عشان كل ذا بنسامحك !!
14- ياسر > تناسينا سوالفك عشان ترجع لمستواك اللي لك عليه !!
سكتنا كثيرا لعل وعسى !! لكن بالفعل فاقد الشي لايعطيه !!
يعني الباب وش كبره تحطها هنا !! بالله من جدك انت مهاجم !! قلنا عنك من اول انك حاسر زعلوا ربعنا !!
قلنا عنك ماهر في التشويت !! بس على عماها !! فالح في تشويت اللوحات والشباك الخارجيه !!
اعدمت اللوحات ياقناص !!
شققت الشباك الخارجيه !!
نتفت دسوس الحارس !!
وش بعد تبي تعدم !!
وش بعد تبي تشقق!!
وش بعد تبي تنتف !!
خلاص ياقناص الغفله ,,
اعدمت امالنا , وشققت قلوبنا , ونتفت كرت التاهل المباشر !!
ماحد سامحك من قبل لانك لم تكن شجاعا وتعتذر عن خطئك الذي لايغتفر !!
وماحد سامحك من قبل لانك اثرت السكوت , والسكوت علامة الرضا !!
والحين زدت الطين بله ولن نسامحك ابد ,,
ملاحق >>>
* تمنيت تيسير يلعب مكان احمد عطيف لانه افضل من يغطي مكانه , وتفاجانا بعزيز الذي لايستحق ان يكون بالمنتخب حاليا !!
* تمنيت عبدالغني يلعب بخانته بدلا عن هذا السبيكه الثلجيه !!
* تمنيت ان يلعب ناصر بجانب نايف لسبب واحد ان ناصر سريع الانطلاق ونايف عالي الارتقاء !!
* تمنيت ان تغلب المصلحه العامه على المصلحه الخاصه , ولو تغلبت العامه على الخاصه ماطقها ياسر ولا طقها عزيز ولاطقها الشلهوب !!
* لمن يقول انه تعصب !! ارجعوا لمباراة ايران , وعودوا لمباراة الامارات , وشاهدوا الفرق !!
* شكلها خيره , ربما نتاهل بعودة الكبار , و سنسعد بك ياسعد و سنملك الكرت بك يامالك !!
لك يامنتخبنا > حراااااام كسر الخواطر !!
تحياتي