[عابرسرير]

شكرا أخي السرف لأتاحه الفرصه لي بالتحدث ...


[align=right]احم احم

123 ... 123

اولا: الحمد لله على كل حال ... و كالعادة احنا ما نتعلم من تجاربنا فكيف تبغوننا نتعلم من تجارب غيرنا

ثانيا: الحين بيَن الفرق بين كورة شرق آسيا اللي تأهل منها 3 منتخبات + استراليا و بين كورة غرب آسيا (منتخبين في الملحق)

طبعا الكوريين بدأوا المباراة بتشكيل دفاعي بحت على الطريقة القطرية المعروفة ... من ابسط حقوقهم ... و السعودية بالخطة المعتادة 4-4-2 و برضه شي طبيعي يبدأون بهالخطة اللي متعودين عليها (خصوصا في الشوط الأول عشان المدرب يقرأ الفريق الكوري)

ما يحتاج اذكر ان المنتخب افتقد عطيف أخوان بقوة ... و هذي مشكلة خصوصا اننا نتكلم عن منتخب مو فريق محدود بخيارات محددة

شئ متوقع ان المدرب يعوض عبده بعبدالرحمن القحطاني لكن تحفظي على عزيز ... تمنيت اننا نبدأ بتيسير اللي يتفوق على عزيز بمهارات هجومية

الشوط الأول انتهى و كان واضح ان الكوريين راح يدافعون طول المباراة مع الإعتماد على الإرتداد السريع في 3 الى 4 هجمات في الشوط

و كان واضح ان ياسر و نور مررررره مو في الفورمة

و كان المفروض ان المدرب - عليه من الله ما يستحق- يسوي تبديلين خلال الربع ساعة الأولى من الشوط الثاني ... و التبديلين كان لازم يكونون تكتيكيين ... كيف؟

كان لازم يخرج عزيز - اللي لياقته زيرو - و يدخل مكانه تيسير اللي يسوي ادوار هجومية - وهي الأهم - و كمان دفاعية
و التبديل الثاني كان خروج نور .. مو عبد الرحمن .. و دخول لاعب ماني متأكد اذا كان في التشكيلة أصلا ... اللي هو السعران!!
ليش؟؟؟

اولا عبد الرحمن كان يصنع كور اكثر من نور .. و دخول السعران كان راح يفكك التكتل الدفاعي و يعطي فرصة لنايف و ياسر(او ناصر اللي كان لازم ينزل بداله قبل نهاية المباراة بعشرين دقيقة عالأقل) لإستلام كور بشكل أفضل

طبعا هذا كله رأي خاص ... ممكن فيه ناس راح توافقني ... و ممكن ناس تختلف معي ( على شحم ) ... و ابي اسمع آراءكم


وليد عبدالله .. اسامة هوساوي .. نايف القاضي .. عبدالله شهيل
ما قصرتوا و يعطيكم الف عافية

ياسر و نور
طـــيروو بس

بيسيرو
بتهبب ايه الله يخرب بيتك ؟؟؟!!![/align]