[@بن عايده@]

[align=center]السلام عليكم ايها الاعضاء الاكارم ورحمة الله وبركاته..

فهذا مختصر للمحاورة التي جمعتني بالشاعر القدير الملقب بالشاعر التهامي..

وكم تمنيت استمرارها..

لكن الاختبارات حالت دون تحقيق ذلك..

وكم يسعدني أن تحوز على رضاكم واستحسانكم..



[poem=font="Simplified Arabic,6,#4F3B52,bold,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع/الشاعر التهامي=
*=
ياسلامي عد مايبتسم بن عايده=

وعدد ماترجم الانقليزي ترجمه=

قلت يابن عايده لاتهاون بالعلاقه=

واصل حبال الموده وثمن حبنا=
********=



الرد/بن عايده=
*=
الوفي من قبل عيد الفطر بنعايده=
وانت لو وسوس لك ابليس تكفى ترجمه=
الموده بيننا لا تعلّقها علاقه=
لين تبصر طيركم يقتوي من حبّنا=
&&&&&&&&&&&&&&&=
البدع/الشاعر التهامي=
*=
شوفتك في المنتدى يامعلم فايده=
والذي يخطي علينا يجيله تمتمه=
صقرنا لاضاق ضم القطاوه في جناحه=
والحذر ياصاحب القاف لا تنشب لنا=
*******************=
الرد/بن عايده=
*=
البقا والهرج لك يا معل (ا)مفايده=
تمتم الهاجوس وآساعدك في تمتمه=
وان جنح ضيفي تعذرت باسمي في جناحه=
لا تغر الصقر الاشهب مفاتن شبلنا=
&&&&&&&&&&&&&&&&&&=
البدع/الشاعر التهامي=
*=
لا تعذر في الحديثه وخل السالفه=
والمقاصد واضحه لا يجيلك عمعمه=
ما نبي غير (ا)نتحاور على ذوق وهداوه=
فـ اني التالي وبن عايده من قبلنا=
*************=

الرد/بن عايده=
*
سولف ونسمع لك (ا)ولا تخل السالفه=
وان تكشّف راس بيتك بـ شطري عمعمه=
لو مرض ولد القبيله بـ مال آبوه داوه=
وان تشافى ننتق الدم من عنق ابلنا=
&&&&&&&&&&&&=

البدع/الشاعر التهامي=
*=
ياا لثوابي لاتجر القدم للتالفه=
انت شاعرلكن الوقت لازم تغنمه=
قابل دروسك وخل التلقف والشقاوه=
ايني اخشى يامحنك تعد راسبلنا=
*****************=
الرد/بن عايده=
*=
ادري ان الجامعه كرب لازم تالفه=
وللا خلك مثل راعي ولف صوت اغنمه=
للسعاده درب واحد وميّه للشقاوه=
والمياه الراكده ما بتتراسب لنا=
&&&&&&&&&&&&&&&&&&&&&&&=[/poem]

وسلامتكم..

الى لقاء آخر بإذن الله..

مع تحيات أخوكم..

بن عايده..[/align]