السلام عليكم ورحمة الله وبركاتة
كيف الحال جميعا ..............
اكييييد كل واحد منا عنده طبع او عادة عجيبة وغريبة ,,,
لما تقولها للناس يستنكرونها
وذلك لانها نادرة الحدوث او مو معقوله ..!!
خلوني ابدآ انا اول واقولكم عن بعض عاداتي او طبايعي الغريبه العجيبه
أولا في النوم
لازم أنام على بطني ويدي تحت المخده وراسي عليها وكل يوم أقوم ويدي منمله وحالتها حاله
لازم أفكر في مية شغله حتى أنام
في الأكل حدث ولا حرج
بالنسبه للتوكس والكتكات أحب آكل الشوكلاته اللي حواليها وبعدين آكل البسكوت
السحلب لالالالالالالالالازم أشربه بالملعقه
القوه والشاهي اذا شربتها لازم أخلي شوي آخر الفنجان مدري ليه أقرف منه
باقي خليط الكيك والبسبوسه أحب ألحسه ههههههههههه
أحب آكل صامولي أو توست بالنوتيلا والجبنه السائله
واذا طبخت لازم أشرح الخطوات حتى لو كنت لوحدي بس بصوت واطي بيني وبين نفسي
متفرقات
اذا فيه موضوع فيه ردود كثيره أبدأ أقرا من الأخير
اذا ذاكرت لازم أشرح لنفسي بصوت عااااااالي بلهجه سوريه أو مصريه مدري ليه يمكن عشان أفهم
أي واحد خارج من عندي لازم أسأله وين رايح حتى لو ما أبغى شي حتى أبويه ما سلم مني 
أحب ريحة الديتول والكلوركس والبويات والغرا واللكود والبنزين بالذات الفجريه عالريق هههههههههههههههه
أحب أنام في السياره وهي ماشيه بالذات اذا الشارع مو مزفلت
القائمه تطول لكن هذا اللي في بالي حاليا
لا أحد يضحك بعدين ربي يبلاكم وأكيييييييييد عندكم بلاوي متلتله بس يا حبذا تسردونا هنا
ودمتم سالمين