اما انا فقصتي غير :
كنت اشجع لاعب وليس نادي .... كنت اشجع خالد التيماوي وبس وما صرت اعرف ان التشجيع يكون لنادي الا في اوخر 1415 وشجعت الهلال واذكر ان في 1416 جاء النهائي بين الهلال والنصر ( ومافي داعي اقول وش صار في السلومي ) المهم انتهت المباراه بفوز النصر بثلاثية وبكيت بعد المباراه وتركت فريق الحكومة وغرر بي اخي الاكبر لتشجيع الاهلى وكان دايم يقوللي قهوجي وخالد مسعد
الى ان اقتنعت (حسبي الله علية) وشجعت الاهلي وخذ انواع الضغط والسكر والتيفوئيد وانفلونزا الاتحاد وكل الامراض ما في الا حسين البكااية كل شوي يدبل ويدلع الين جاء سيرجيو ونتف سروال النتيف حسبي الله على الاهلى ولعيبته المهم صبرت كثيرا وجاء طلال المشعل صراحة لاعب عندة برودة اعصاب صح انة قنااااص لكن ماينفع في النهائي المهم صبرت وصبرت وصبرت وجو لعيبة وراحولعيبة الين جء مالك قبل ثلاث سنين واخذنا بطولتين بس السنة اللي قبل اللي فاتت يوم طاح مستوى الاهلى قررت اني اطلقة بالثلاث حتى يبين ببنونة كبرى وبدون رجعة .................................................. .......كرامتي ما تسمحلي اشجع نادي البكايين !!