[هـاوي زهـران]

على أيدينك أذا تسمح تكرم بدل أوضاعي
أذا لي خاطر عندك تصرف لا تخليني
لغيرك مستحيل أشكي وابين له عن أوجاعي
أنا ما ابغى بها الدنيا سواك احد يواسيني
أنا المحتار يوم دعى قلبي لك الداعي
دواعي الشوق يالغالي تبعدني وتدنيني
معاناتي علي تفرض اقول القلب ملتاعي
أجامل والمجامل في النهايه لك يوديني
تمنيتك تساعدني افل ببحرك اشراعي
توقعت ان ايدينك بالحقيقه تسبق ايديني
على ايدينك ترى للصبر وسط الجوف مرباعي
اشوف الهجر ولا الوصل يالغالي يداويني
يطول الهجر او يقصر تزيد فيك اطماعي
مودتنا على فلبي عزيزه لا تعنيني..