[ملف ضآيع]

[align=center]
ســـــــــلآم عليكـــم . . .


صبحكم الله بالخير انتسانم في الليل ومساكم الله بالخير انتسانكم في النهار

يعلن [مــلف ضآيــع] وهو في كامل قواه العقليه وبطوعه وارادته وبدون تهديد من احد

انه سيفجر المفاجئة التي لن يصدق بها احد

وهـــي [ عقــــد قــــرآنـــه ] واللـي سيقــوم بهـآ آخــوكم [ مـلف ضآيع ] بعـــد مشآورآت وآستشآرآت
دآمـــت مآيقآرب الـ النصف قــــرن

وبهـــذه المنآسبــــة حبيت آعزمكـــم عشآن محدن يقول عني بخيـــل ,, كلكـــم معزومييين مـــــن
[ زوآر - آعضآء - مشرفيين - آدآريين ] وآهـــم شيء شــعآر المنتدى لآننآ نحتآجهــم

وجيبو عوائلكم معكم الدعوه خربانه قصدي الدعوه عامه

الغايب يعلم الحاضر لا احد يتشره ويقول درانا مادرانا

ترى الـــزوآج فيها ساعة مدري من هيله قصدي ساعة صدر

مدري ساعة يد مدري ساعة حائط المهم ابي المنتدى يجي كله عن بكرة ابيه

واهم شي بكرة ابيه لاتقعد هي اول المدعوات

وعلى شان بكرة ابيه قولوا لكل البكرات والقعدان والحواشي وكل من يركض وماشي

وماشي ماشي ويعدي وحطها في المرمى (اسف قلبنا على القناة الرياضيه )

راني من الحين متولم جايب(ن) الصبابين والصبابات

والمغنين والرقا اسف اقصد الجوائز والمشايخ وعلوم رجال

فنجال وعلوم هبال مثل ماقال الشاعر مدري منهو لكن غناها فنآن كبير بس بعـد مدري منهــو

~{ ياما حلا الفنجال سكر زباده
في مجلس(ن)مافيه ناس(ن)كثيريـن
بمدبك ترقد فوق ذيك الوساده
محد(ن)يقول اصحى والناس ممسين }~


المهم لايقعد احد لا يتعذر احد مهوب يقول واحدك اباشوف المسلســـل

والا الثاني يقول استحي والايقول معزوم تعال انت واللي عازمك

ونسيت اعلمكم موعد العزيمه

تعالوا يوم السبت لليلة الأثنين بعد صلاة الجمعه الساعه عشر طعش بعد منتصف الليل
قبيل وقت الغروب تزيد قليلا او تنقص قليلا

اما المنزل فهو واضح يشوفه الاصقه قصدي الاعمى

هو وانت ماسك طريق الخبــر - الدمآم " الكبآري " من جهة الشرق تعرفون طريق الكبآري وش اتجاهه
المهم يجيك كوبــري البندريــة جنب بنـــك سآب بالضبط ,, خله لاتمسكه رح سيده اللين تجــي ع يمينك العقربية
الى مسكت العقـــربية وانت مشرق رح خل الشمس في حجاجك الايسر ياخفيف الدم
لين تجيك حـــي الحـــزآم الآخضـــر هذي تراي اتمشى فيها بالقميص يعنني من اهل الحـــزآم الآخضــر
لمهم خل الحزآم الاخضر على يسارك وديور مافيها عرض ها الاسبوع امش الين تاصل
اتمسك خط الظهــرآن امش قدام اللين يجيـك الرآشد ع يمينــك حلو الطـريق بس بعيد
ويضيق صدرك الزحمه اللي عند الكبري
المهم امسك طريق العــزيزيــة اللي تقآبلـــك الثقبــة ادعس لآتـــوقف هنآك ولاتحآول تششوف منآظر هنآك
اللين تـــوصل طـــريق القهآوي سو فــــوق تحـــت لمآ تحصــل محطــة الآمآزون
الين تجيك بقاله على اليمين لاتشتري منها تراي متهاوش مع راعيها ابو هنود هذاغير
اللي في المستوصف الله ياخذه
اجل يزود على في الدفتر اخر الشهر وكرشت مندوبه
الى صارت البقاله على يمينك لف معها وطبعا تبي تصير على يسارك امش سيده
بيجيك خياط اسمه الجســر للآنآقــة الرجآليـــة ,, انا خيطت ثوب عنده طلع كم اطول
من كم بس خياطته روعه يعني يفصله على جسمك مره بس يطلع الي
قدام اقصر من اللي ورى
لى تعديت الخياط بيجيك حلاق تركي لاتحلق عنده اجل يخف الشعر 15 ريال
ابن اللذينا لو آنه فلبيني
المهم اذا جتك المغسله مغسلة الشباب في وجهك لاتوقف وتاخذ من عنده همبرقع قصدي همبرقر
تراه مايكثر البطاطس الا بغيت المشاوي الطيبه فعندك راعي البنشر ,, اللي بعده على اليسار في الزاويه
عنده بوستد روعه انا اموت في المشويات عشان كذا دايم اكل عنده سندوتش فلافل
المهم بيجيك شارع وسيع مره مره مرتين انا وانت صرنا اثنين
يعني مهوب ش عشرين لا ,, تقدر تقول انه ش 8م
ادعس الين تاكل لك ثلاث مطبات بعد المطب الثاني لف يمين وعد رابع لفه على اليمين
لا لا لاوالخيزرانه اسف مهوب رابع لفه
ياربيه بغيت اضيعكم وماتدلون
لا ارجع شوي ثالث لفه ايوه هذي السكه
لا السكة هذي سد دوير ديور ماعليش
ايوه لف يسار وامش سيده اللين تشوف سياره ابو احمد على يسارك
واضحه مرسدس صفراء اللون موديل كح واعطس معجبته بقوه لا ويقول مرغوبه كلن وده
يشتريها(مزعجينه السواريه السياره للبيع)

المهم اذا ماشفتها ملبقه اصبر لاتمشي تراه مهوب مبطي يمكن ساعة زمان وراجع
والا رجع عد بعد المرسدس ثالث لفه يمين بعدها يجيك بيت توه يبنى
انا اتوقع انه ناوي يبيع
جارنا يقول لا الظاهر والعلم عند الله راح يجي قول (ماعليش فتحنا القناة الرياضيه )
المهم بعد الفلة اللي تبنى تجيك ارض هذي قد سامها الوالد الله يمسيه بالخير ويرفعه بالعافيه
بس ما الله اراد وبيعت بس مدري ليش مايعمرها راعيها

س تصدقون كويس صارت ملابق لنا بس البلديه شالت المظله يالله الحكومه ابخص
المهم البيت واضح واجهته شماليه يعني يفتح على الغرب بتلقون الباب مفتوح
يـــآ ملــــــــــــف خلـــــــي الباب مفتـوح
خــــــوف المسير يستـــــحي ماينــــــــادي

وبتلقون الانوار والعقود مولعه والباب مفتوح على مصراعيه طبعا هذا بيت جيرانا لاتدخلون
حنا البيت اللي بعد بعده

تــــــــــــــــرآنـــي آنتظــــركم ,, لآ تفشششلونــــي







أخوكم اللي ماسك الفاره .. ملــــف ثم مســــافــة ثم ضآيــــع [/align]