[صالح بن فارس]

صغيره لكن ..وربي

بعقلك توزنيـن ..كبـار

ولوما عقلك ..مكبّرك

كان ..بتبقي ..صغيـره !


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=1 align=center use=ex num="0,#400000"]
صغيره لكن ..وربي بعقلك توزنيـن ..كبـار=ولوما عقلك ..مكبّرك كان ..بتبقي ..صغيـره
بعد توّك وانا ألله حسيبـك بآخـر المشـوار=وحظي من عرفته شين من جـرفٍ لدحديـره
حلاك المنسدل فتنه على وجنة حيـا اْلصغـار=تحدا بك جمال الكـون واستسلمتـك الغيـره
جنونك عقل واحساسك يفيض برقتـه أنهـار=وحكيك بالغلا يلغي علـوم الديـرهْ والسيـره
تمنتك المدينة والشـوارع والشجـر والـدار=تمنى حتى مرجـان البحـر يهديـك تقديـره
تباها بك هواك وصاحبـك والليـل والاشعـار=سجنت الشعر في وصفك ومااستصعبت تحريره
تنامِي بين يدين الدلـع ليـن الولـع يحتـار=وإذا نام الدلع بيديـك زدتيـه الولـع حيـره
أخيلك في شبابيك الوله من خلـف هالأسـوار=واشوفك طيـف بعيونـي تفننتـي بتصويـره
إلامني زعلت ..تجين مرهْ يمين مرهْ يسـار=تراضيني إلين أنسى لوان الزعلـه ..مريـره
والا منك تأخرتـي بوعـدك جبتـي الأعـذار=تقولي انتظر/ اصبر وكل تأخيـره .. بخيـره
واقوم آلملمك وانثر تحـت رجلينـك الازهـار=وأقول اشعاد يا حلم الغريب .. بشوفة الديـره
ألا يا من تردي لي طفوله في عيون ..كبـار=تعالي طفلة ٍ تحلم بيـوم اْن تصبـح ..كبيـره [/poem]