[حسين المعنى]

[align=center]ياحبيبي ويش هذا البعد عني

هو جفاء والا وفاء والا طعوني

انت مالك قلب ياخلي يحني

يقترب ويضم للقلب الحنوني

ناسي انك يالغضي فيني ومني

ماتذكر لهفتي لك والجنوني

كيف سيف البعد من يدك طعني

ماتخاف الله تسهر لي عيوني

انت قصدك بالمفارق تمتحني

ودك اني اعيش واموت امغبوني

ماتونه مثل ماخلك يوني

للمواصل ويش عشرتنا تهوني

لي متى والوضع يالمحبوب صني

هو كذا مرتاح ياخلي بدوني

ياخساره يالمنى خيبت ضني

ماتوقعتك تخيب لي ضنوني

اه ودك ليت ودك ماسكني

ليت حبك وانت ماحليت كوني

يوم عنك الشوق ياشوقي سالني

قلت هذا اللي توده ياعيوني

عادته من يوم بوصافه فتني

مايفكر غير بالكذبه يخوني

دام هذي عادته وشله تشني

وسط جوفي حرب واحساس وشجوني

اتركه خله يكن اللي يكني

لا تعاتب بي شكل وبي لوني

سامحك ربي على قلبن يوني

للقاء واللي لجل حبك بلوني

العناوين ابتغير منك لني

عفت طرد الشارده والله بعوني

والله اني اغليك لا اخر يوم سني

وان غيرك مالعذارا ماتموني

اسمحيني يابعد ناسي وجني

بعد هذا اليوم ماضني تروني

مابغيته لك خذيته لا تضني

غيرك اللي ساكنه بين الجفوني

لا تغار ولا تشك ولا تحني

اقطعوني بالامل لا تحتروني

يكفي اللي صار واللي بك شغلني

يكفي اذكركم ويكفي تذكروني[/align]