الله يعين الشباب العزابية
بصراحة حياتهم شقى من غير اهلهم
يعني لو أمهم تسافر ما بيعرفون يسوون شي
مره سافرنا وتركنا اخواني مع أبوي كلهم في البيت <<< يعني مافيه لا أم ولا خوات في البيت
وفي نفس اليوم اللي كنا مسافرين فيه قعدوا يقولون يوووووه وش بنسوي ... كيف بنغسل المواعين والملابس ومن يطبخ لنا
قلنا خلكم تحسون بقيمتنا
وصاروا ياخذون الاكل من المطعم ويكومون الملابس عند الغساله
وجهزوا لهم مؤونه من الكورنفلكس و المعلبات والصامولي والاجبان وغيره << كأنهم في غزو
ويوم رجعنا قالوا الحمد لله انكم رجعتم مابقي عندنا ولا فنيله نلبسها ههههههههه
لقيناهم شروا كرتون فنايل جديده عشان مايغسلون الملابس <<< ما يبغون يودونها عند الغسال يقولون امراض
بصراحه المفروض الام تعود الاولاد من صغرهم على الاعتماد على النفس عشان مايتعذبون اذا كبروا لأن مافيه احد يعرف ظروف المستقبل
فيه امهات الله يهديهم يهتمون بتعليم البنات فقط على الاعتماد على النفس مع انه حتى الولد يحتاج انه يتعلم الاعتماد على النفس
انا ماهو قصدي انها تخلي الولد يشتغل في البيت نفس شغل البنت بالضبط لاأبدا ً مو قصدي كذا
انا أقصد انها تعلمه اشياء بسيطه تساعده في المستقبل اذا اضطر انه يسكن لوحده
مثل ترتيب غرفته ، عمل كوب الشاي ، عمل سندوتش جبن أو بيض أو اي شي بسيط
الين الله يفرجها وتجيه بنت الحلال اللي تريحه
---------------------------------------
اشكرك يا كت كاته على طرح هذا الموضوع