[زهرانية أبا ًعن جد]

[align=center]بسم الله الرحمن الرحيم

السلام عليكم ورحمة الله وبركاته

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

**************************

معالجة السلوكيات الخاطئه

**************************


لا تسوون كذا ترى مكانه صحييييح

قرأت الموضوع في أحد المنتديات ونقلته لكم لكن لاااااحد يقول مكانه غلط أرجو عدم نقله لقسم آخر

فالموضوع مهم

هناك سلوكيات خاطئة في مجتمعنا وتحدث بشكل شبه يومي

اقرأ الخطاء واقرأ التصحيح والعلاج

من خلال هذه الاسطر

ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ


الخطأ الاول

عندما يصطدم بك أحد وأنت تمشي .. ثم تسقط كتبك .او شئ منك ثم تأخذه وتمشي .. وكل منكما يتأسف للآخر


الصحيح

تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم .. تقوله شيل الشئ اللي طاح منك.. ومرة ثانية فتح عيونك يالوح ..

ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ



الخطأ الثاني

تفتح الإشارة .. ثم يعلق المنبه(البوري) الي وراك .ثم تطالع في المراية ... وتلقاه يهاوش ومعصب .. ثم تلوح بيدك تتأسف ؟؟


الصحيح

تنزل له بمفتاح العجل .. أو عجراء ... وتطق الدريشة عليه ... وأول مايفتح الباب .. جرّه مع شعره ...

واجلده حتى يقول العيد بكره ... وقله مرة ثانية تصير الاشارة خضراء .. تصير حمراء .. تصير زرقاء ...

ماهو شغلك تنطق

ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ



الخطأ الثالث

جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ..

ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..


الصحيح

تمسكه ... مع رجليه ... وتسحبه بالارض سحب ... وتجيب كرتون ببسي .. وترجه رجاً ثم تفتحه بوجهه ...

وتقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر

الموجودين .. والا تدري يكفي كرتون البيبسي!

ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ



الخطأ الرابع

تمشي بالرجل .... مثلا رايح للمسجد ... ثم يجي بزر من هالبزراين ... ويرميييك بالحجار..

ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه .


الصحيح

تاخذ لك بلكّه ... وترميه بها وحاول تجي في رجله او في وسط الساق وانا أضمن لك مايمشي وراك نهائياً

ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ



الخطأ الخامس

راكب سيارتك ومستعجل ... وكل اشارة توقف عندها ... حتى الاشارات اللي مافيها أحد


الصحيح

حتى لو انت مو مستعجل ... اقطع الاشارة .... اصلاً الاشارة حطوها للي مايعرفون يسوقون


ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ



الخطأ السادس

ساكن بالدور الأرضي ... وفوق ساكن واحد ... وصارت الساعة واحدة ... وأنت بتنام .. واللي فوق لجّه وصجّة

وازعاج خيالي ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام

عندي دوام الصباح لوسمحتم ... ثم ترجع .. وتلقاهم نفس الحالة .ثم تقول .. الله يقطعهم ماخلوني أنام ..
وتواصل للصبح ..


الصحيح


اول شي تروح وتصعدله ولا تدق الباب ولا الجرس اضرب الباب بالفأس لين يفتح الباب

وواحده براسه تكفي؟؟


ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ




الخطأ السابع

متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟


الصحيح

صكه بالصينية ... والحقه بفنجال أو بطفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصمت وبصدر رحب ...

ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ




الخطأ الثامن

تكتب بعد نهاية اي موضوع تكتبه في منتدى على النت:

ان شاء الله ما طولت عليكم وتجلس تتأسف وكأنك مسوي جريمه


الصحيح

المفروض تكتب اقروا وانتم ساكتين واذا طولت موضوعي وبكيفي


ـــ ــ ـــ ـــ ــ ـــــ ــ ــــ ـــ ــــ ـــــ ـــ ــ ـــ ـــ ــ ـــــ ــ ــــ ـــ ــــ ـــــ



منقول [/align]