[عابرسرير]

وحده متزوجه ....

زوجه ....تشتكي من جفاء زوجها ...اللي ماهو حاس فيها



ماهو معطيها اهتمام نهايئاً ......بعد ماكان رومانسي وحنون و و و ؟

المهم ......جلست هالزوجه محتاره

ياربي شسوي ؟

لمين أروح ؟

وش السواة ...


وش الحل ....؟؟


هالرجااال ابيه يكون مثل أول وافضل

زوجي هذا لازم اسوي له شي يخليه يشوفني الكل بالكل

لازم اعمل شي يخلي زوجي ملكي انا ....ملكي لوحدي !!


وبعد ما فكرت وفكرت وفكرت قررت تروح لوحده من صديقاتها

اللي زوجها مريحها وهي مرتاحه مع زوجها ...


راحت لها .....

يا أم فلان ...انا تعبانه مرررررررره من زوجي ..ماهو حولي و لا ني في باله أبد

ليه...عسى ماشر ؟

أبد ....ابي منك تساعديني عشان يصير زوجي ملكي لوحدي وتحت امري

قالت لها ..ودك ....تسحرينه يعني ؟

قالت اي شي يخلي زوجي يرجع لي راح اسويه


هالزوجه ماشاء الله عليها ذكيه وتعرف كيف تتعامل مع الآخرين وتعرف شلون الزوجه تتعلم

كيف تمتلك زوجها ...


قالت لها ....إسمعي ...بدلك على واحد بصراحه يقولون إنه متمكن حيييييييل

وراح يساعدك بطريقه تخليك تمتلكين زوجك ؟



الرجال هذا (( رجل مثقف )) راقي متعلم ...حكيم ....


راحت له ....هالزوجه اللي تبي تمتلك زوجها ....


قالت ابي منك تسوي لي سحر عشان زوجي يصير ملكي وتحت امري

قالها الحكيم ......بس طلبك هذا كبير ويبي له شغلات كثيره وطلبات صعبه


قالت اطلب اللي تبي وانا جاهزة ....


قال ابي طلب واحد وبس في البداية .....


( أبيك تجيبين لي شعره من شنب أسد حي مفترس تقصينها إنتي بيدك من شنبه )
تخرعت الزوجه وقالت ...ياويلي ...هالشعره شلون أجيبها ؟؟؟


قال لها انتي ابخص ......

المهم رضخت للطلب بس عشان تمتلك زوجها ....


راحت لحديقه حيوانات مفترسه ....وفيها أسد مفترس

اول ماشافته إرتجف جسمها وقالت والله ماني حول شعره من شعرات الاسد شلون أجيب شعره

من شنبه !!!

سألت مروض الأسود .....شلون اقدر اخلي هالاسد مروض وما ياكلني ؟


قالها ...يبي لك فترة لين يتروض ويعرفك ويرتاح لك

قالت له شلون ؟


قالها ....تجين كل يوم تعطينه قطعه لحم من بعيد لبعيد ويوم عن يوم تقربين المسافه بينك وبينه


جلست هالزوجه شهرين تزور الاسد ....وتعطيه قطعه لحمه وتقرب منه كل يوم اقرب واقرب

الين بدا الاسد .....يقبلها وما يفز من شوفتها حتى اصحبت تمسح على ظهر الاسد


وراسه وصار اليف بيدها ......وباخر يوم ......مسكت الاسد وقصت شعره من شنبه وهي مبسوطه


وفرحانه ......وطيران على الرجل الحكيم بعد شهرين .....



جابت له ...(( شعرة شنب الاسد )) قالت له هاك خذ .....وربي تعبت لين جبت لك هالشعره

وقصيتها بيدي من شنب أسد مفترس متوحش .....

ضحك الحكيم ...وأحرق الشعرة..وقال لها .......



والله يا بنت الحلال .....(( زوجك )) ما هو متوحش أكثر من الاسد ....

وترويض زوجك اسهل بكثير من اللي سويتيه مع الاسد .........



روضتي أسد متوحش ...ومنتي قادره ( تروضين ) زوجك الإنسان العادي !!!


غامرتي بحياتك مع حيوان متوحش ..ومستخسره تصبرين على زوجك وتروضينه بالحب والدلال والكلمه

الطيبه ؟؟؟


زوجك ماهو ....مفترس ... و لا عدواني .....

زوجك إنسان عادي ...يخضع قلبه للزوجه الحكيمه الهاديه اللي تصبر على زوجها وتراعيه

تمتلك قلبه بالحب ومشاعره بالحب وإهتمامه بالحب وروحه بالحب وكيانه بالحب ..مو بالسحر



جلست تبكي الزوجه ....عند الحكيم ....بعد ما فكرت بكلامه وإن كلامه صح100%

رجعت لزوجها ...وغيرت تعاملها معاه ....بالصبر والتحمل والحب والتقرب والطيب لين صار زوجها

ما يبي يفارقها لحظة..












[align=right]مايستفاد من القصه:

1- النساء عقولهم يبيلها دبغ
2- النساء تفكيرهم محدود
3- ارفقو بالقوارير
4- لاعمرك تتزوج وحده عللله
5- الزواج مرحله ممله من مراحل العمر...
6- اذا تزوجت سارع بأنك تجيب ولد او بنت عشان تفتك من الغثا...
7- اجعل دعواتك الى الله كالأتي : اللهم اشغلهم في نفوسهم[/align]


عموما اتمنى السعاده لكل الازواج..