[هـاوي زهـران]

اعز الناس فارقني وانا الي ماجفيته يوم


وليته كان ودعني رحل ما شافته عيني


تركني للعنا وحدي ولا جاء من سماه علوم


ولو قلبي دله لحظه رجع طيفه يناديني


الا ياليل وش ذنبي اعيش بدنيتي مهموم


تركني صاحبي واقفى ولا اظنه بيلفيني


قسم ربي لنا الفرقا ولا منجا من المقسوم


نهيت القلب عنه دونه وانا ذكراه تكفيني


اداري دمعتي لكن ظهر سري ولا لي لوم


جروحـ(ن) داخلي ثارت بنار البعد تكويني


نذرت ابقى على عهده واعيش لخاطره محروم


احبه وان تناساني ولا غيره سكن فيني