[علي الحسني الزهراني]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]


يالّلي تظنّ الشِّعِر دلّه وخيمة شَعَر = وينك عن غيومه اللي خيّمت في سماي
فاتتك وقت السّحر لذّة هطول المطر = لو شفتني حينها ما اخترت خلٍ سواي
فاتتك لحظة عناق الدمع كيف انهمر = يحضن بنات الغيوم بكل قطره معاي
لو شفت حفلة زفاف الفجر حين انتثر = أنفس من الدّرّ لاستحضرت معنى صفاي
تعال عش في كنف جوّي طقوس البشر = لو تعلم ابعاد فكري لاذهلك محتواي
تواضعي سمتي وصمتي وبعد النظر = جوهر شموخي وعزي واستماتة قواي
كم لي وانا انصحك لاترمي الثمر بالحجر = أنت اوّل الخاسرين ولا استمعت لْنداي
ياعازف الناي لايحزنك موت الشجر = مادمت في كل ليله تزفر الهمّ ناي
واللي يظنّ الشّعِر دلّه وخيمة شَعَر = ماشاهد غيومه الّلي خيّمت في سماي[/poem]