[ساري]

ماتغر الحروف المبهمه ابوالبرا

--------------------------------------------------------------------------------

بين سودة عسير وبين طلعة كرا= فرق واضح مثل وداي بنا والمضيق
‏
علم اللي عن علوم النقى ما درا = كان مايعرف الدرب السنع لا يضيق
‏
ماتغر الحروف المبهمه ابوالبرا‏=نطحت التيس ماهزت شوامخ طويق

النجوم بسماها ترشد اللي سرا = ومن بغى الحق ماغره مسار الطريق

اعتقد مايغر الناس ماقد جرا = سالفه تشعل القلب المشكك حريق

من بغى الحج ماضاقت به ام القرا = ومن بغى التيه يسري في الظلام السحيق

اترك الكذب يامن جبت علم الزرا = اترك الكذب منك والردى والطبيق

بخت من في ليالي البرد حصل ذرا = ماهو اللي تغطا باللحاف الرقيق

بخت من هو بداره بالحيا يمطرا = ويانعى من يغره في السراب البريق

مارأينا وعين الله دايم ترا = وما يلوع الرفيق الا ضياع الرفيق

ويش لي بالرفيق ان كان عود ورا = كل ماجيت اباه يفيق عيا يفيق

منكر الحق دايم يتبع المنكرا = تايه(ن) مافرق بين الحصى والعقيق





منقل