رد: سامي لايزال والبقيه شَدوا الرحال
اول نصراوي يشكر هلالي في موضوع زي كذا لسبب واحد وهو
انه قمة الخبال اتضحت في هذا الموضوع ، وقمة الاستهبال تجلت في هذا المنتدى ،، وقمة الاستخفاف بعقولنا تمت هنا ،، ياخي اقسم بالله انك منت صاحي ،، كلام عجيب غريب حسيت اني اعيش في عالم ثاني خيالي غير اللي نعيشه من زمن طويل !!
ههههههههههه وربي شي مضحك للغايه الحين سامي ثابت والبقيه متحركون !!
الله يرحم ايامك يايوسف ياثنيان لو تدري ان هالزلابه سامي بيكون في من الايام في الجرايد نجم على حسابك كان طيرته بالخاطوف عالدائري !!
الله يقطعها كوره ياشيخ دام هاللاعب بيصير نجم !!
من جدك ياعود ...اظنك كنت نايم وتحلم بسامي يصير نجم النجوم وقارنته بهؤلاء اللاعبين اللي افضل منه بمراحل !!
غريب امركم يااعضاء المنتدى هذا لم اجد ولا واحد من الهلاليين ينطق بالحقيقه سوى صدى زهران ...
ترى مو عيب ان تقول حسين هادي وسامي الجابر نفس المواصفات والمقاييس !!
ولا هو عيب ان تقارن بين هذال الدوسري وسامي الجابر يمكن تلقى ميزه في هذا عن هذا !!
لكن تجي تتطاول على قامات تاريخيه عالميه وتحط من قدرها بمقارنه مع لاعب فاشل ...ذي محد يرضاه ابدا ...لانك ماتعرف منهو ماجد احمد عبدالله اللي جنن الكورريين والصينيين والبرازليين والنيوزلنديين والارجنتينيين والانجليزيين !!
تجي تحطه مع هاللاعب النكره في عالم الكره ... لا وربي هزلت !!
حمزه ادريس افضل منه لعبا واخلاقا ومع ذلك احترم تاريخ ماجد ورفض المقارنه بينههم ...
بعدين يالفاهم اشوى انكم سويتوا له حفلة اعتزال بعد ماعتزل بكم شهر الا كان تلقونه نسيا منسيا كما هو حاله حتى قبل ان يستلم الاستاذيه في الاداره الهلاليه !!
انا مستعد احلف انه لولا وجوده بالاداره الان لاصبح لاعب ماضي ولن يذكره احد وانا اعرف هلاليين كثر يكرهون شي اسمه سامي ليس لشخصه ولكن للعبه وفشله كمهاجم والادله كثيره يعرفها كل متابع ...
والله من الظلم ان تجعلوا هالسامي في مكان اعلى من يوسف الثنيان اللاعب الذي اطرب الكل هلاليين ونصراويين وكل الجماهير ... هذا اللاعب اللي اتفق مع اي هلالي يمدحه ويشيد فيه لانه فعلا لاعب بمعني الكلمه ومو لاعب وبس الا لاعب وحرييف ...اما تجي تجيب لي هافاشل وتبي تفرضه علينا فرض فالجميع رح يلجه لانه ماحد بيهضمه !!
تحياتي ياازرق العود
|