[احمد صعمود]

مصايف المملكه

جميله ورائعه

تنقصها بعض

اللمسات

في جوانب مختلفه





قــال ابــو ياسر امسى خاطري فــي حــدام
والسياحه تـــرد الــروح والصـــيف عــاد

بعــد مــا ضاق صــدري عــام يتلوه عــام
ودي اهـــيم فــــــي دنيــــاك يــاسنـد باد

قالــو صّيف بـــجـده غيــر واهــنى ونـــام
عنــد هــاك الــبحر هــادي ومــوجه ركـاد

قـلـت عـينــي عـفيفــه والنـظـر ســم ســام
البنــي فـــوق شــط الـــبحــر مثل الجــراد

والقـبيلي مـعــه يــاناس بــــدر الــتمـــا م
كاشفــه دون غـــطــوه مــا سترها ســـواد

والمعســل بــجنبــه كيــف لــــه والــمـدام
فـــي عيــون الحـــيا والــذوق ذروا رمـاد

واللـئـيمه تــــــــراعـــيها عيـون اللئــام
عــرضها الـــيوم ياســتار تحــت الـــمزاد

مـن الجمـل مـاظهـر يــاجــده غـير السنام
بـعـد بــكــره تـغـشّـاك اللــيـالي الشـــداد

قالـــو الــطايــف احـــلــى جــوها ياسلام
قــلــت نــفــسي شـفـيقـه مـاتـطيـق الحداد

كـل يــومً جـــريمــه فــي سبـق والــوئـام
شـاب راســي وانــا منها لــزمت الحيـــاد

قالـــو الــبـاحه جــنـــه لاتــفـوتك حــرام
مـــرحبــا هيـــل عـــد السيل عــــد المداد

قـلت ما ابغـى اصيف تحت جنـــح الظلام
لابـضـاعه ولا تـــاجــر بـســوق الــكسـاد

قالـوابهـا الـبهـيه عــند مــزن الغمام
والـمـروج الــنــديه والــجـبال الــسنــاد

قـلت ونــعـم بــدار الــعــز دار الـــكــرا م
وانـا لومي على اللـي مـن طمعه اسـتفــاد

تــاجـــر الـنهــم فـيهــا يستـلمـني استــلام
والـغـلا هــد جيبي سيـــف قـاطـع وحـــاد

مــرحـبا الــف عنــده بـــس مجـرد كــلام
انــزل الــبيت وادفـع حــق مسـكــن وزاد

قـالـو العاصمه نـجــد الــنفــل والــخــزا م
الــحضاره تبــاري الغــيـم والـعـلم ســـاد

قـلت مــالــي ومــال البهذلـه والــزحام
الـبـواري بـسمـعـي مـثــل طــلـق الزنـاد

عـجّـهـا فــي لـفيــح الــقيــظ كــنـه ركـام
لالثامـــي نـفـع راســـي ولاكـــم فــــاد

قـالـو اجـــل مــاعـلـيك الا تــشــد الحزام
فــي اروبـا بيهــنالـك لــذيـــذ الــرقــاد

مــر لنــدن ورومــا شـوف كيــف النظام
واندلسنا الــقـديمه الـفـاتـنـ ـه بـلجراد

واخــتـم الرحله فـي باريس مسـك الختام
وهــات معـك العـطـور الغالـيات الجـداد

قلت فيروس مـنه اخشى واخـاف السقـام
منـتشـر بـيـن خـــلـــق الله مــالــه مضاد

لـو نـلبـي مــراد النـفـس فـــي كــل عـام
ماسلمـنا مـــن التـنـظـير والانـتـقا د

وانـا بيتـي مـصـيفـي طـال عــزي ودام
ومـن كـفى النـاس شـره نال قـدره وزاد

يـاهـناتـي وسـعـدي فــيه طــاب المـقـام
فيـه مـرتاح بـالـي تحــت راســي مخـاد

عبـر الاعـلام اتابـع في شغـف واهـتمام
مسرحية حـسن نصـر الله واحمـد نجــاد

وشـعر عنـتر يسـلـيني وانـا فـي انسجام
وكعب يـوم افـتدى راســـه ببـانت سعاد

ولا اقـبـل اللـيل ياشـوقـي لسـجع الحمام
وفـــلم نـسـريــن بعـــده فـلـم ليلي مـراد

يـالله اطـلبك يــامــن سبـحــتـك الأنـــام
تــغـفـر الـذنب يـارحـمــن يــوم المعـاد

مع التقدير
.........