[الصغير1]

إلي بقالي مع الأيام .. وفيته ~

والضيق لو ينهمر تشربه ودياني ~

~ ماهي كبيره علي والحزن غنيته

ولاهي غريبه إذا وقتي تحداني~

~ كم جرح أخذته من الأحباب ضميته

وجروح قلبي زكاه لحب خلاني ..~

~ مطعون؟ عادي ، جفا الأقارب داويته

تعبان؟ حدي ، ردي الحظ خاواني ~

~ صدمه ؟ بسيطه ، هوان الحال مريته

مقرود ؟ أدري ، وإذا حرمان عداني ~

~ ما فاح هم لك والله ما تقهويته

ومامر حزني بغيري ماتبلاني~

~ياما وياما من الخذلان .. عديته

إلا بصاحب .. بعد العشره تناساني ~

~أزريت لأنسى غيابه لين ناديته

والموت لامن تجاهلني وجافاني~

~وينه يجيني وكل عتاب كنيته

ياليت يدري بعد فرقاه وش جاني~

~من كنت طفل وأنا أرجاه في بيته

شيبت .. وأثره على هالحال خلاني~

~حتى جناح العتب لرضاه ذليته

ما طرت بعده فرح من ذل جنحاني~ ..

~ياقلب صبرك ترى كل شي سويته

ما كان أفضل من اللي كان بإمكاني ~

~لو بي قوه على الهجران ؟ خليته

لوبي ذره من النكران ؟ يفدانــي~

~الجرح أرحم .. إذا يرجع من أغليته

مجروح ؟ فدوه .. ولكن صعب وحداني~