مشكلة البطاله بدت تكبر وتتجلى بشكل مخيف .. وسعودة القطاع الخاص اثبتت فشلها للأسف..انا هنا اتكلم عن الآليه اللي تتم بواسطتها السعودة..
يعني يجون بقرارات سعودة البوفيات ومحطات البنزين والمطاعم ومحلات الحلاقه!! بينما هناك الآلاف من جنسيات اخرى موظفين بشركات البلد وياخذون رواتب بعشرات الآلاف ..وتلقى المدير الأجنبي يداوم الساعه 11 ويجلس بمكتبه يتصفح الجرايد ويشرب القهوة التركيه ويوقع له كم ورقه ويضرب الباب الساعه 1 ..واذا توظف السعودي في الشركه تلقى الاجانب كلهم حاطين العين عليه وتلقاهم يكرونه كر الويل-حلوه هذي- ويطفشونه ويبهذلونه عند الطالعه والنازله الين تنتهي السنه ويعطونه تقويم اداء وظيفي سيء ويمسكونه الباب والا يحولونه مراسل!!
تدرون ليش هذا كله؟؟ عشان ما يكتسب خبره وتمر كم سنه وياخذ اماكنهم !!عجييييب!! تقول البلد بلد اللي خلفهم..والمصيبه ان الكلام هذا على عينك ياوزارة العمل..واللي مايعرف يسأل اي واحد يعرفه يعمل في القطاع الخاص وراح يسمع البلاوي..
لا احد يقول لي عشان الاجنبي خبره ..شباب البلد فيهم الخير والبركه وهم على قدر كبير من تحمل المسئوليه والابداع في العمل والامثله على هذا كثير..
تحياتي لصاحب الموضوع