07-08-2009, 06:36 PM
|
|
|
فــ و و و ــو ت فــي قلـــبي ..!
( 1 ) :
كِذَبْ .. من قال : مـا أحبك .! , وفيني ( ما أظنَّه ) حس ......
كأنه حْبَّنا : جيشٍ كبير : وحضرته / جاسوس !!
حبيبي . . .
طالبك لقِّن عذولي , و , حاسدي كم درس .....
أبي ترجع و تقراني من " عيوني " بلا قاموس ,
يا غالي . . .
وش تبي أكثر ؟ يا (( سادس )) هـ الحواس الخمس !
فراقك حلم أزعجني ويجيني دوووم هـ الكابوس ,
غيابك : ليل : يا وجه القمر , وإلا , يا طهر الشمس .....
سواد / وظلمةٍ عيَّى يفيد ..... ويضوي الفانوس
كِسَرني البُعد , و , أشواقي !! رغم إنِّي " عزيز النفـس "
حبيبي . . .
كل ما أنسى ! يذكرني بك الطاووس
[IMG]http://el9ane3.********************************************/photos/1060940_l.jpg[/IMG]
:
ما أبي من زود حُبي .../ أربكك !
_______ لمَّا تسألني أحبك ..؟ قلت " أموت " !!
إنت مثل " الحلم " ولمَّا أمسكك
_______ أدري إنِّك واقع / وتطري البيوت ..
يا عيون الريم وشلون أشبكك ؟!
_______ من يشوفك قال : ما شا الله توت ..!
إنت فكره و ماني قادر أحبكك
_______ فوت في قلبي .. بلا إستئذان فوت !
في حياتي ,, صرت دايم ( أدركك ) !
_______ أشبعك وأجوع لك وأعطيك " قوت "
لو طريقك يتعِب القلب أسلكك
_______ بعد صوتك ما يعوِّض أيّ صوت !!
أدري يا قلبي .. غيابه / يهلكك ..
_______ داخلك عايش .... وفي حالة ثبوت !
كيف أعبِّر عن شعوري و " أملكك " ؟!
_______ خايف أتكلَّم .. يداهمني .. السكوت !
لو يقولوا .. [ يا أموت أو أتركك ] ....؟!
_______ والله إنِّي من غلاتك .. راح أموت !!
( 2 ) :
موَّت غيابك سوالفـ في [ حشاي ] !
كيف ترضى غيبتك تقسى علي ؟!
ماني متخيِّل أشوفك مو معاي !
ياللي تسوى في عيوني " كل شي " !
الشتا , فرقى عيونك يا دفاي !
ما يموت الحُب ونبض القلب حي !
الشاعر / أحمد الصانع
|