[ابو مشعل الحريري]

عوى الذيب ياساري عوى ذيبها حذرا
يرد الظلام عواه لضلوعه صياح

ترى الليل قماري وعقب السمر غدرا
ومن طاوله مسراه زهب له سلاح

أحد بالخفا داري واحد بالخفا يدرى
تشيل الدروب خطاه والصبح فضاح

طويلات وقصار ويمنى لها يسرى
يخاف القدم ماطاه ماقام من طاح

عن العين متواري توارى ورا غبرا
يبيه النظر واخطاه مالاح له لواح

على نهرنا الجاري نوايا تبي مجرى
مصبه شكا مبداه في بحر الأملاح

شمال الهوا عاري جنوب الرمل جمرا
متى الوسم ينثر ماه تخضر الأسياح

إذا ماالصقر طار علا بالهوا قدره
وطنه السما وحماه مخلاب وجناح

هواجيسي أشعاري ولا للشعر عذرا
كتبته لمن يقراه للصاحب الصاحي


كلمات الامير الشاعر خالد الفيصل