[عبدالله بن زنان]

أحبتي ..




بعض من جرح .. كتبته ذات رد على أحد الفارغين الأذناب ...

هو لكم ..




.
.

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بعيد الدار بالغربه ... يسمونه غريب الدار= وانا بالغربة لحالي ... غريب وعايش بداري


لك الله مابنيت إلا ../.. محبة والقلوب كثار= ولا عمري هدمت إلا حصار الورد وحصاري


على نور الضمير احيا وموتي عزة الأحرار= آموت بداخلي واحيا.. وتشهق زحمة افكاري


لوين آروح يايمّه ... وغربة خاطري اسفار= لوين آسافر بغربة.. خذت من همتي ثاري ..!!


شوارع نور والتنور مايرحم .. فراش النار= أيا خبز الدقايق وين ؟؟؟ طالت رحلة الساري


يقولون الحكي نصه كلام ..ونصه استعمار= وانا اقول الحكي كله .. بحلق البايع الشاري


خذوا من دمّه العبرة.. ولا يبقى لهم تذكار= خذوا مني دمي الفكرة.. وانا يكفيني اصراري


فديتك ياوطن أحمد .. فديتك والنهار غبار=رصاص الفكر والساعد / زناده روح مشواري


انا كلي وطن قصدي .. وطن مايقبل الأعذار=ولا لك عذر يارامي .... حجار تعلي اسواري


رموني بالحجر يمّه .. ولا بحمل لهم أحجار= على وزن الحجر طاحت ذنوب تخفف اوزاري


أنا ماني أنا لو عشت .. أجمّع للصغار صغار= صغير القدر لو يلبس ... كنوز بداخلي عاري


انا عبدالله ابن احمد أبن زنان وانت اصفار=أقول الحرف وآطوله .. ولا بمدح ولا اماري


صحيح الغربه أعيتني ولكن للضيا أقدار= ونور الجاي بكفوفي .. قراه القلب بجداري


بعيد الدار ياربعي يسمونه غريب الدار= وانا ماني بعيد ديار .... لكن غربتي داري ..!!![/poem]

.
.




الســـيل