[عبدالله الطنيني]

[align=center][/align]
[align=center](عشرين نصيحة في أربعين بيت)

من ديواني (ديوان الطنيني ) المنشور ص (76)

لعل فيها الفائدة [/align]

[poem=font="Simplified Arabic,6,#0015FF,bold,normal" bkcolor="" bkimage="images/toolbox/backgrounds/6.gif" border="inset,5,#FF3600" type=1 line=0 align=center use=ex num="0,#400000"]
يالله بك المرتجـى والعـزم والحيلـة=في كفك الحكـم والتبيـر يـا والـي
ما غير ربي في الشدات نشكـي لـه=هو ردّنا لا حصل في الخُطّـة اشكـالِ
تهدي لساني صواب العلـم وآقولـه=مثل العسل حاليٍ من ذوقـه الحالـي
ودّي بقصر الحكـا مالـي بتطويلـه=واهدي كنـوز النصايـح كـلّ رجّـالِ
في لوّلة لوّلـة حفـظ الفتـى دينـه=هو زاده المرتجى في يومـه التالـي
والثانية من حلال الرزق يجنـي لـه=يطعم هل الـدار والاّ ضيفـه الغالـي
يكرم عزيز الوفادة يـوم يلفـي لـه=بعد التراحيـب منهـا شرحـة البـالِ
و الثالثة سرْ مع الـي راكـبٍ خيلـه=يسبق لكسـب الجمايـل كـل خيّـالِ
عِزّي لمن سيرته في الرمل يحثي لـه=وايلا حصل فزعةٍ يقعـد مـع التالـي
والرابعة لجودي منصاك ينصـا لـه=يجلى همومـك علـى حِمّـال لثقـالِ
مثيل عَوْدٍ لجور الحمـل يِرْكـي لـه=عن جور حملـه تخلّـى كـل جمّـالِ
والخامسة ترّك الـي ساحـبٍ ذيلـه=بيـن العـرب دايمـاً للهرج نـقّـالِ
لا تدّعي بـه ولـو كبـرت حناديـره=يهـوى النذالـة وهـذا طبـع لنـذالِ
والسادسـة ناقـص النّـبّ وبخـلـه=خلّه ورحْ للذي في المجلـس العالـي
من كَثْرة الضيف ما تطْـوّى معاميلـه=والـدار للضيـف منـزالٍ ومـدهـالِ
والسابعة شاور المطلق وتحكـي لـه=سِرْك بعمق البَحَر والاّ الخلا الخالـي
وان كان شورٍ مخالف جـا بتعديلـه=لـه حكمـة بالغـة ناصـح وبـذّالِ
والثامنـة قابـل المطلـق بتقـديـره=رحّـب وسهِّـلْ إذا جـا ذرب لفعـالِ
والتاسعة خُذْ عـن النّمّـام تحويلـة=يشعى الفِتّنْ همّـه الآ القيـل والقـالِ
واذا انتمى الشور ماتسلـم عراقيلـه=ويفكّـر انـه لصُلْـب الشـور فتّـالِ
عاشر نصيحة تجمَّل دام لـك حيلـة=لو طال عمـرك تـرك لابُـدّ رحّـالِ
والمال في المقديـة ننصـح بتبذيلـه=لـو كثـر مالـك تـره لابــدّ زوّالِ
حادي عشر مسْتشيرك لا تقـدّي لـه=لو جا بدرب الخَطا والظُّلـم واحتـالِ
والصاحب ارْعه بحقّه لو تكـن ليلـة=إن كان ملّـي لعقـد الشـان حـلاّلِ
ثاني عشر فالنسيب اختر منه خيـرة=لا جوك لـولاد قلنـا ونعـم الخـالِ
خضرا الدّمَنْ لو تجيها جاتك العيـرة=لو يعْجبك شكلها فان الوعـا خالـي
ثالث عشر عِزّ جارك ساكـن الديـرة=تسلـم عـذابٍ شديـدٍ يـوم لهـوالِ
أوصى النبي في حقوق الجار والجيرة=ترعى حقوقه وترفى عضلـة الحـالِ
رابع عشر في صِلاة الرِّحم نوصي به=سعْد الذي في صِـلاة الرّحْـم وصّـالِ
مذكور فـي مُحْكـم التنزيـل تنزيلـهعلـى محمـد نـزل ياخيـر منـزالِ
خامس عشر عَ الرّدي لا تِشْكي العيلة=جَدْرَه وِهين البنا ياسرع مـا انهـالِ
هـمّـاز لمّـازنـفّـاخٍ منـاخـيـرة=وتحصّلـه فـي نهـار الضّيـق ذلاّلِ
سادس عشر مكسب الرجال في السيرة=صُحْبة حميد الخصال وطيـب الفـالِ
يدراه مِ الشّر ايـلا سِنّـت مناشيـره=يِفْدي بروحه ويرخص غالـي المـالِ
سابع عشر فالولـد مِ العيـب تدليلـه=ماهـي لمثلـه ميوعـة والـتّـدلاّلِ
ربّه على الصّبـر والشّـدّة وتحريـره=مثيـل حُـرٍّ برجـمٍ لــه تقلـقـالِ
ثامن عشـر لا تـزوِّج طافـحٍ كيلـه=فانه قريب المدى لو منصبـه عالـي
زوّج بناتـك لـراعِ الدّيـن والغيـرة=شِفْ مخبره لا يهمّـك ثوبـه البالـي
تاسع عشر صُنْ لسانك فـي تعابيـره=تَسْلم شماتـة حسـودٍ لـك وعـذّالِ
واختم بذكر النبـي ياطيـب السيـرة=عشرينها صلّوا على المصطفى الهادي
[/poem]

[align=center]وســـلامــتــكــم يــا كــرام[/align]