[عـادل الزهراني]

السلام عليكم ورحمة الله وبركاته
أسعد الله قلوبكم بكل خير


هنا هطول أولّ
ومتواضعَه .. أحببتُ أن اصافِح بهَا أرواحكُمْ
عسى أن تنَالْ رضاكُمْ ..

رايح..فمان الله ماشفت مكسب
....... دايم معنيني وأنا أشقاك يا صاح
كنت أحسبني راحتك يوم تتعب
....... أثري تعبك الي ليا جيت ترتاح
يوم الشجر يسقى من الدم مشرب
....... بالله كيف العشب والزهر فواح؟
أنضام صدري والفرح عاش مقلب
....... تكتب لي طيوفه من الكذب مرتاح
خلك على شمَ النواميس مرقب
....... لاتلتفت للي تحت ..ليه من طاح؟
من طاح من عينك توخاه جنب
....... القرم يبقى قرم ياخوك لو زاح
من شمَر ذراعه وناداك يطلب
....... لبَ النداء يالشم ماجاك مزَاح
شفت بخويي قرصته سم عقرب
....... لين العروق بداخلي كلها اجراح
الله يبيحه والصدر ..منه مُتعب
....... منهو ملك في دنيته كل مفتاح؟
ذيك الطواري شوفة العين تنضب
....... دوك السعادة والتعب يافهد راح

وَ سلامتكُمْ ...