[العندليب]

بسم الله الرحمن الرحيم ..
صباح ماقبل رمضان .. كل عام وأنتم بخير ..

اليوم /صباح الجمعه .. جمعه مباركه على الجميع
التاريخ / قلنالكم قبل رمضان بيوم
الحاله الإجتماعيه / عزابي .. قصدي أعزب
المكان / تحت المكيف وقدام الشاشه
الزمن /
الحاله النفسيه / شبه متوتره
ليش / مدري ..
الهوايه // اللعب بالأعصاب


قبل ما أكتب مذكراتي ودي أقلكم شي تسمحولي ..
يلعن أبو العزوبيه ..<< أحد قالك


طيب نبدأ بأسم الله ..
من بداية يوم الخميس مانمت الإ بعد الظهر بالله ما أحد يسألني لي الإجابه بين السطور
صلاة نوم لحد أذا العشاء
كنا معزومين في إستراحه خاصه للجماعه
قمت الأخلاق لكم عليها ..
اللي صحاني مستعد وجاهز للإستراحه .. لابس سروال السباحه من البيت
يتظرني أصحى
صحيت
قال مشينا
قلت مشى الدود في بطنك
شف لي شئ أكله قبل ما أتهور ويعلنون حالة إختطاف
دق على البوفيه عش بلبل
سميت بالرحمن وخذت لي شترتين .. أدنى ما أشبعنيه
قال هيا الإستراحه
قلت تهلهلت سنونك والله ما أروح
هويه .. رد سريع أحليه
قلت ..
هيا قم لفلف بيه .. يعني خذ بي كم لفه ..
طلعنا من البيت الساعه 10
طبعاً أنا على أبواب إجازه ومسافر يوم السبت ..
وتعرفون لفلفه مع كم سوق هدايا ومثلكم عارفين
الصراف يشكي حاله ..
حتى أخر مرة رحت سحبت طلع لي وجه مركب صفر دولي يقول ماهي حلا يابو الشباب ..
دقيت على العائلة الكريمه وشفت طلباتهم
قضيت بحوالي مدري بس فيها أصفار كثيره ..
دقيت على واحد من أخواني
متعود كل ما أسافر أجيب له كم شريط بلايستيشن .. طبعاً هو ثاني متوسط .. ماني متأكد يمكن ثالث ..
قلت يافيصل وش تبغى أشرطه
قال لا تجيب شئ البلايستيشن خربان ..
قسم كن من تمشى فوق ظهريه
قلت أفا يالعلم أتعبتنيه جوف قلبيه ..
وأطالع في بلايستيشن 3 ..
ومالكم بالطواله طقيت له بواحد .. لعنبوهم الشريط ب 200
المهم كلف مع طلباته 1800 ريال ..
جاء دول الصغر أسمه عبد العزيز
أوه ياعبد العزيز قسم لشيب راس القحم ..
عمره 6 سنوات بس قسم تسولف معه تقول أكبر منك
مافي أمل تمشي عليه الحركات نص كم ..
دقيت وكلمته قلت هااه يابو عزه وش تبغى أجيب لك ..
تدرون وش رد ..
بالله وش تتوقعون ؟

قال جب لي سيارة زي سيارتك .. سويت كذا على طول

مصدق نفسه الأخ ..
جبت له هديه تليق بعقليته كبير كبير الولد ..
قسم مهلا أراضيه لايضرب ولديه
مرة قلت له وش يقرب لك .. قال ولدك
قلت طيب أت وش تصير له .
قال وش دخلني فيه خذه ورح الرياض .. أمحق من عم ..
ماعلينا

بعدها دقيت على الحلاق وحجزت مقعد إنتظار وتم التأكيد عندي واسطه
جيت عند قاله هااه المره هذي وش ناوي ..
قلت أنا رايح الديره وبأقابل القحمان هنياك
قال أهاااا أجل منت ناوي تشيل الشنب ..
قلت أقول ..
بلا قحمان بلا كلام فاضي فاضيين ماهم ناقصين حش ..
شيل كلو زيروووووو شنب ودقن .. حلقت مع شوية حركات من الحلاقين
يدلعك ولما يخلص كم الحساب .. 100

المهم اللي تبهذل خويي حزت عليه حسيت أنه سواق
شفت في عيونه كلام (( ليتني رحت الإستراحه ))
رجعنا للفرفره في الروضه من أنكاس إلى شارع الكهربه ..
وشوي أبو نوره يردد البرواز
وشوي عبدالكريم يقول راجع لربعي وديرتي << أعجبتني قلت خلها

مالكم بالطويله

خذنا لفه على التحليه
قلت هيا كان ودني البيت
بالله شوفتي ماهي أحسن من الإستراحه
قسم بعدها لأنبسط يقول دخيلك لاتروح الديره ..
ضحك وهروج في السياره
وناسه وترفيه ..
نسيت أقلكم نزلنا مقهى ودقيت راسه قيمين بلياردوا << أحد يتحدى

رجعنا البيت وشوفونيه أكتب لكم بعض المذكرات

<< أحس فيه ناس يقولون مالها داعي ثقالت الدم مع الصبح ..
أهديهم أغنية يقولوا عننا مهما يقولوا ....الخ ..


المهم ياحبايبي ..
بكرة السبت أول يوم من أيام رمضان أعاده الله أعوام عديده وأزمنه مديده ..

وأبغى أقلكم بكره مسافر للديره ..
إجازه إلى مابعد العيد
طبعاً أجازتي ما أحب أجلسها كامله في الديره ..
يعني لازم من روحه للطايف ومكه وجده .. والبرازيل طبت بالغلط
الأهم إن العيد في الديرة
ناوي أفرقع أم الديره
خصصت ميزايه 3000 ريال متفجرات أقصد القنابل اللي يولعونها في العيد وتنور فوق

إذا حصلت الفرصه راح أدخل منتدى زهران
بس والله الديره عندنا ماوصلها خدمه الدي أس أل
والأبراج على الجيل الأول مافيه الجيل الثالث ..
مدري متى نتطور مع المسلمين ..

لكن إن شاء الله أسير عليكم والله أنكم غالييين وحتوحشوني ..
وإذا ماجات الفرصه نلتقي بعد العيد إن لم يحدث مكروووه ..



وعذراً على الإطاله ..

لكم المايك << متأثر بالشات الصوتي << مايعرفه بس يسمع عنه
محبتي لكم ...

وكل عام وأنتم بألف خير ...


أخوكم ..

عبدالله بن صالح العدواني ..



العقيد قصدي العندليب

ممكن طلب قبل أروح ..

إذا فيه أخطاء إملائيه دخيلكم لا تدققون والله ماراجعت الكلام من العجله أبغى صلي ..
وعندي الكيبورد بيني وبين حرف النون مشاكل لازم أدقه بمطرقه ..


سي يو ..