ذكرت موقف على الطاير ..
طبعاً أنا بديت أصوم وأنا في الصف الثالث
حتى أذكر أني صمت 27 يوم بس ماكملت
عاد الموقف هذا وأنا في الصف الخامس كان وقتها رمضان كله مدرسه << مالحقنا على الدلع
المهم ومالكم في الطويله ..
كنت صايم ذاك اليوم وعمري لم يتجاوز العاشره << ياعيني على البراءة << أسمعوا بس ..
المهم كا فيه خزان مويه للشرب << مالحقنا على البرادات ..
المهم
جالس أسولف مع واحد قسم أني أذكره إلى ذلحين
المهم خذ بي إلين عن ذا الخزان وهو مفطر طبعا دنق براسه ومسمع الأ قرقعه المويه
أنا نسيت أني صايم
دنقت وسميت بالرحمن وشربت ..
يوم خلصت وأتذكر أني صايم ..
مسكتها في قلبيه ألين رحت البيت .. ماعلمت أحد في المدرسه ..
هنا بالأسفل مقطع كتابي حزين يُبين مدى براءة الطفوله
وصلت البيت
رميت الكتب
والله ما أكذب عليكم << كني أسمع أحد يقول كذاب
المهم
ماخليت أهلي يشوفوني
دخلت المقلط وقفلت الباب وقعدت أبكي قسم يانزل مني دموع يوووووووووه لكم الله أني أذكرها
ومهلا أصايح أبيت أسكت
جت وحده من أخواتي سمعت البكا والصياح
دقت الباب مافتحت
عبدالله أفتح وشفيك
من هنيه ومن هنيه
بالقوه فتحت لها
جتني تقول خير وش فيك تبكي تعبان قلت لا
قلت بأقلك شئ بس دخيلك لا أحد يدري
خافت مسكينه
المهم بالقوه طلعت مني الكلمه
((
أنا شربت مويه في المدرسه ))
![139](images/smilies/newsmiles1/139.gif)
قسم كني أشوفها قدامي ضحكت ولابغت تحطمني
جلست تشرح لي
وتواسيني
طيب عادي كمل صومك
شف فلان أكبر منك ماصام
<< ياعيني على الطفوله << ودي أرجع لها يومين وأعود
أختي تهديني وأنا أبكي
دخيلك لا أحد يدري
قالت طيب
المهم رحت بعد المغرب
أهلي كلهم يطالعون فيني ويضحكون
غدا وجهي كما قوده لها ثلاث أيام راس شمرخ ..
كبرت ومازال عالقاً هذا الموقف في إذهاني
وكل فتره تُذكرني أختي به ..
المهم المواقف كثيره ..
ولا جا طاري العيد يجي طاري الدفه ..
بس خلونا في العيد
إن شاء الله أصور لكم سمبوسة وشوربه الماما وأحطها لكم هنيه ..
نسيم ... موضوع رائع
وأنتظروني في حلقة أخرى ...
أنا البرئ كنت هنا
إلى اللقاء
![Biggthumpup](images/smilies/newsmiles1/biggthumpup.gif)