[احمد صعمود]

بسم الله الرحمن الرحيم

اسعد الله

اوقاتكم

كل عام

والجميع

بخــــير


الـشــاعر اللـــي كــتب مـايــخفي اشعوره
يــقـولـها مــن قــهــر والــنفـس مـتــعـوبه

الـسـعـد مـاهـو بعـيبني فــــوز فـــي كــوره
كـــلا ولا هـــــو غـــرام وعـشـق مــحبــوبه

النـصــر ولا زمـــانــه واقــفـــت اعـصـوره
بـغــداد تــحــت اللــظـى والـقدس مغصوبه

يــاوصـمة الـعــــار فــي هــامـات مكسوره
حفــنــة سكــارى غـــزونا بســبة اكــذوبه

جـنـــديةٍ مـــن جيـــوش الــــروم مخمـــوره
تـــرقص علــــى ترابنا والكـــاس مســـكوبه

امـــــه علــــى الـــذل والــتنكيل مــجــبوره
صبــــو عليــهــا النــكـد نـــوبه ورا نـــوبه

مسـاجـــدٍ مــــن عـبـــاد الله مـــهجـــو ره
ســاحاتها مـــــن ايـــادي الشـــر مشبوبه

صـرنا طـــرايــد مــن الطـــراد مطيوره
القـــيد فـــي رجلــهـا والـــعـين معصـوبه

مــاكـننـا اللـــي غــزينا الشــر فــي دوره
والـبـيـرق انرز فــــي ســـبتـه وشقوبه

مــاكـن قــرانـنا مـــــــن بيننا نـــــوره
هـــدى ونــبـــرا س للـــي ضـيــع ادروبـه

مـايـدحـر الــــذل غــــير الــدم والــثـــو ره
والـنـار بـالـنــار والـرايات مـنـصـوبه

اذهـلهـم اللـي ظـهـر مـن بيننا اسـطـوره
قـنــاص بـغـداد فــي حــربه لــه اسـلوبه

مـاشـافـوا الغـــــرب لــه هيئـه ولا صـوره
لكـن غــدا فـي نـظـرهم ثـامـن اعـجـوبه

صنــديد بـغـداد مــن راســه اخــذ شوره
واشفــى قلـــوبٍ مـــن الــويلات منكــوبه

والشــيخ يـاسين رمــــز الطـهـر وطهوره
يــاكم وكــم بيّــت اســـرائيل مـــرعـوبه

وطفـل الحجــاره وقـف وقفـات مشهوره
تســـلـم ايــاديـه دوبه مــنفــطم دوبــه

يــاامــةٍ فـــــي ديـــار الله مـذعوره
بشـــايرك فـــي كتـــاب الله مــكـتـوبه

الله وعـــدنا بنـــصــرٍ ينــجلي نـــــوره
واللـي تــعــــدى عليــنا يعـــلن التـــوبه

ياغرب لابـــد يـــــــوم وتظهــر الصوره
والـــوعـد قـــدام فـــي حيــفا وبعـقوبه

بركاننا لـــو خـــمد لابـــــد لــــه فــــوره
والبــــحر يبـــقى بحــــر لو قل منسوبه

صهيــــون لاتـخــتلق للـــــغدر فــزوره
مــن طـول الثــــــو ب يتعثر طــرف ثوبه

والعلم لـــو ينفع اللـــي حـــان مقدوره
مــاراح شـــارون فـــــي غيبه وغيبوبه

والذيب مهما شكـا الرعيان مـن جوره
لابـــــد ما يطرحه فـــي الفخ عرقوبه

الشاعر احمد صعمود

مع التقدير