تعسفني عيونك
تحرقني البسمه ويذبحني الخوف
واضيع كلي لانظرتك بعيني
تخنقني العبره وتجبرني ظروف
وأموت لاشفتك غلا يحتويني
تعشقني الحيره ويتعبني الشوف
واقوم اصفق بالشمال اليميني
تأسرني الكلمه وتجرحني حروف
كأن السما ورعودها تعتريني
تكويني الدمعه و يكويني الجوف
وأصد أخفي دمعتي لاتبيني
تمنعني الشيمه ولو كنت ملهوف
ماأذلها نفسي ولو تقتليني
تبحر بي النظره ويشقيني الطوف
وأصيح وأنخى يامرابع سنيني
تعسفني عيونك ونظراتها نوف
وأعض من وجدي أصابع يديني
تسرقني النخوه بدنياي ماشوف
غيرك فلا غيرك بعيني يزيني
تحرقني البسمه ويذبحني الخوف
واضيع لامني نظرتك بعيني
ـــــــــــــــــــــــــــــــــــــ
|