[الســرف]

اقتباس: المشاركة الأصلية كتبت بواسطة طوق الياسمين      في هذا اليوم الأغر والله مدري هو الاحد او الاثنين .. لكن يمكن انه السبت >>> ضاربتها الحمى ! المهم إني تعبانة وصاكتني الفلونزا صك والله يستر لاتكون حقة الخنازير بس يبيلي افحص نفسي بكرا .. قصدي اليوم اصبحنا عاد وبما إني تعبانة اخذت لي حبة "فلوتاب" للزكام وحبتين فيفادول بلص على الساعة 1 بالليل وبعد ربع ساعة إلا وأنا ماعاد اشوف ابغى انام رحت انااام نومة كلها كوابيس وحرارتي مرتفعه وتجي تصحيني الماما للسحور وأنا كذا >>> ويوم صحتني زين قلت لها ما ابغى .. ابغى انام وصحيت فجأة مدري والله الساعة كم .. إلا وفيني جووووع يالطيف لأني ما افطرت زين بسبب المرض وادرعم على المطبخ وريحة الكبسة ماليه البيت >>> الله يهدي الشغالة مابخرت البيت بعد الطبخ والدنيا ظلام وامشي للمطبخ وأنا اتبع ريحة الكبسة لا ارادي واكلم نفسي بالطريق اقول غريبة امي مطفيه الانوار كلها ؟ بالعادة ماتنام وتطفي الانوار الا بعد ما تصلي الفجر ! ويوم وصلت المطبخ واشوف شي اغرب ..! الشغالة مدخله نصيبي من الكبسة في الثلاجة .. واسخط فيها بيني وبين نفسي الحين ليه تدخل السحور بالثلاجة وهي تعرف اني باصحى بعد شوي آكل ! واطلع الكبسة المحترمة وادخلها الماكرويف تحمى واصب لي كاسة لبن واطلع لي قطعة حلى وشوية سلطة من الثلاجة واجهز سحوري وآكل واعين من الله خير وارجع اسند ظهري على الكرسي في المطبخ عشان المعدة تآخذ راحتها والتفت يمين على الشباك .. إلا والنور بدى يطلع من السماء فأصابني الهلع وكثيرا من تأنيب الضمير .. واحساس يهزئني بأني غبية ومتسرعة وأطالع الساعة إلا وهي 5 إلا ربع الفجر .. بس والله اول ماصحيت ان الدنيا مظلمه المهم اني حسيت اني خسيسة .. الله يخس ابليس وقتها عرفت سر بيتنا المطفيه انواره والقدر اللي بالثلاجة >>> صح النوم ! وهذا انا معكم .. وضميري متعبني .. احس اني ارتكبت جريمة شنعااااء ويسجل لي "ذكرى سيئة" في تاريخي الرمضاني ! وسلامتكم

وااااااااااااااااااااا هاهاهاهاها ياشماتة ابله طازه فيك

الجوع يخلف الطبوع

يالطيف لو حنّا بمجاعة افريقيا أكلنا بعضنا


------

سلامات وماتشوفي باس طوق ...عسل وليمون والزنجبيل الاخضر بس هااااااا ....قبل الآذان للفجر


---------------------------




اما مذكراتي لهذا اليوم فهي كأي يوم يكون فيه عمل

صحيت للعمل الساعه 9.15 ....اخذت دش ....لبست وخرجت ...وصلت الدوام ...جلست للساعه 12 بالعمل ...اخذت نفسي ورحت مكتب آخر فيه هدوء وبعيد عن المراجعين ...أذن الظهر ....نزلت الغتره ....ونزلت الجزمه " الله يكرمكم " وتقع عيني على المفاجأه .....شراب بني وشراب اسود

والله من النوم يادايخ .....المهم رجعتها ورحت للسياره ...والحمدلله دائم احط معي احتياط "حذاء بشنطة السياره تحسباً لأي طارئ " المهم اخذتها ونزلت الجزمه

رجعت وتوضيت وصليت

وعلى العمل حتى الساعه 3.50 وسوينا توقيع البصمه وخرجنا ,,,, وصلت البيت الساعه 4.20 ...صليت العصر ونمت ...الساعه 6.20 جهزت نفسي وخرجت عشان معزوم على الافطار عند اولاد العمّ ....لقيت اخواني وابوي سبقوني هونيك .....فطرنا عندهم وصلينا ورجعنا للسوالف ...تكلمنا بكل شيء ...رياضه ...اقتصاد " وش اقتصاده بس ...ماغير تتكلمون في افضل بنك يقدم قرض وواحد يبغى سياره " .....المهم قررنا انا وواحد منهم نسوي مشروع تجاري " والله لو اقول لكم المشروع ماعاد تهرجون معيه " ....انا اقترحت عليه محل عطورات واكسسوارات <<< قال لي لا ياشيخ وانت المشرف طبعا ربحنا لعاد


وقبل العشاء رجعت للبيت ....شفت باب الحاره وها انذا


نسيت اقولكم ماشفت طاش وبيني وبنك عشان اولاد العم ماعندهم غير المجدّ << الله يهديهم وكان