المشاركة الأصلية كتبت بواسطة فواز المالحي
اول شي كل عام وانت بخير جميع - والف شكر نسيم السروات على الطرح المميز . اما بالنسبة للسواليف هذي فالله الله من خويش وشرهه . بالنسبة للذكريات : كنت زمان في الديره اهلي يفطرون في داخل البيت وانا راكب راسي ما افطر الا في الساحه ليش ! مدري ليش بس كذا كنت مسوي فيها حبه ونص وان لي اجوائي الخاصة طبعاً كيف كنت اجلس في الساحه مو كذا لله في الله جالس على فرش او بساط لا لا لا هههههه كنت اجيب العربه الي نحمل فيها الامتعة والحجار تقريباً كان عندنا 3 عربيات افتكر كان مشروع في البيت عمال وكذا المهم اجمعها على بعضها واحط عليها شراع مدري بساط ماني فاكر كويس واجلس تحتها مسوي خيمه انا ووجهي . فكنت برضو اجيب اخواني واجلس امدح لهم ان الخيمه احسن من البيت واضحك عليهم عشان يجون معي . عمري تقريباً 5 سنوات تقريباً المواقف المضحكة : كنت اجي من المدرسه واموت في دخلت المطبخ لقاااااااافه ياناااااس المهم كنت اجلس اساعد امي في المطبخ ومسوي فيها الشيف اسامه والله شغااااال مبسوط كل اخواني ينامون الا انا قاعد اشتغل ومره رايـــح فيها وكنت اقطع سلطه ذاك اليوم المهم جونا اولاد صغار مدري والله وش سالفتهم وجلس ياكلون من السلطه المهم وانا اطالع شوي اخذتها قلة لا ماحد ياكل نخليها مع الفطور وجلسنا نتضارب واخذتها من كثر ماني معصب واكلتها كلها ... هذا الكلام 1 ابتدائي . الاكل والشرب / في الديره زمان ماكان في شي اسمه بقالات قريبه او حركات بس الي افتكره على الفطور ( خبزه ومرقه ) هذي يومياً مع الفطور في شي مدري ليش الناس ماعاد تحبه وهي المهلبية الصفراء مع انه زمان كان الي يسويها يعتبر فنان ولها طعم ثاني . والسحور من يوم اعرف نفسي وهو رز وكبسه ولا رز ودجاج وايدمات وشغلات كذا معه . العادات والتقاليد : بصراحها زمان شي مو طبيعي روووعه اول مايقولون بكره رمضان الاقارب كلهم يجونا ونروح لهم نبارك لهم بالشهر الكريم ونطلع كلنا مع ابوي نروح مكان بعيده مره من القريه الى المندق عشان نروح كبائن الهاتف القديمه عشان نكلم عمي في جده ونبارك له في الشهر ونلاقي الناس صافين طوابير ياخذون هلل عشان الاتصال . وكان الناس ولازال البعض لازم نرسل للجيران اكل واي وااااااحد في الطريق نعزمه للفطور اي واحد سبحان الله الحين الواحد يدقها نومه الى المغرب ولا يسأل هل في شباب في مدينته يعزمهم للفطور ولا لا . اذا قالو بكره رمضان ارسل رسائل بس مع ان في ناس شرهه تكتفي بالارسال لهم سبحان الله الفروض الواحد يفكر كيف يوطد التواصل الاسري والاجتماعي . في الاخير كل عام وانتم بخير وشكراً على الموضوع .