[ابو يزيد الحريري]

[frame="13 80"]


السلام عليكم و رحمة الله وبركاته
قصيدة بعنوان لحظة...

للشاعر (( عبدالكريم الجباري )) ,,

أتمنى تعجبكم..

لحظة .. بوادعك قبل إنـك توادعنـي
ماني من اللي تروح و يمشـي خلافك

لـي عـزة ٍ ياوليـد النـاس تمنعنـي
لو قلت .. ما أبيك تمزح .. خاطري عافك

قد قلتها لك قبـل ماكنـت تسمعنـي
واليوم فعلك هو اللي حطم أهدافـك

يابن الأوادم نصيحة واخذهـا طعنـي
ماكل شخص ٍ يذل النفس لا شافـك

صحيح زينك في بعض أحيان شجعنـي
لكن زود الكـرم زودت بـاسرافـك

ماهوب أنـا اللـي تنزلنـي وترفعنـي
لو درت في نيتك كسـرت مجدافـك

تبي الصراحـة .. تصـدد لا تطالعنـي
أخاف من دمعتك وإلا أنـت ما أخافـك

ماغير واحـد .. ولا مخلـوق ولعنـي
الحـب يجـرف ولا تختـار جرافـك

لو قلت لاحدٍ تحب.. وقال لـك يعنـي
خله وبعد مـادام الوقـت ماطافـك

أصـارع النفـس والدنيـا تصارعنـي
والفرق واضـح بمغرافـي ومغرافـك

ياخي ترى القلـب عيـا لا يطاوعنـي
يابن الأوادم توكـل خاطـري عافـك



[/frame]