بصراحة لانستحق التاهل لجنوب افريقيا
سابقا في التصفيات السابقه لكؤوس العالم كنا نتاهل بدري ونحسم التاهل بدري واخرتها نصير صناع مجد للمنتخبات الاخرى في كأس العالم .
وننتهي بنتائج ثقيلة .
وضعنا بصراحه مزري
1-ملحق اسيوي
2- منتخب البحرين ضعيف جدا (لاحد يقولي في بلده او متحمس للتاهل ) كانت البحرين تنصك من السعودية بالاربعة والخمسة .
3- منتخب بعناصر فااااااااشلة بالاجماع عدا (وليد عبدالله ) بس يد وحده ماتصفق
وعلى فكرة لو مو الله ثم وليد اليوم كان النتيجة 5-0
4- تكتيك فاشل (بالله ثلاثة محاور واربعه دفاع وقدام البحرين ؟)
5- اللاعبين مافيه اي تعاون او تفاهم بينهم خاصة الشمراني (انفرد بالدقيقه 75 بالباب وكان ياسر معاه ) ؟
(انفرد بالباب بالدقيقه 88 وياسر ونور معاه ) وبرضه انانية في هاللاعب بشكل غير طبيعي .
6-مافيه اي روح في اللاعبين وكأنه موظف يأدي شغلة ويقبض ويمشي (صارت الامور مادية والسبه الادارين واعضاء الشرف في الاندية)
اذا قدام البحرين وقدام منتخبات متواضعه تحسب على كرة القدم وبملحق اسيوي منتم قادرين تسوون شي
لاجيتم بمجموعه مابي اقول المنتخبات الكبيره بس بقول تخيلو لاجا منتخبنا مع ( استراليا-غانا-مصر) صدقوني نقطه ماراح نلقاها .
على الطاير
الزوري<---- هذا وش يبي بالضبط تراه يسمع بالكورة
شهيل<------ انت فنان بس بنيتك الجسدية ماتاهلك لاوقفت قدام ابراهيموفتش بكره
الشمراني<--- ودي تلعب بيوم في مبارة مع المنتخب ماترفع ضغط عشرين مليون سعودي
وليد عبدالله <---- احترف بالخارج وراح تكون من العمالقة في العالم
بصرااااااااااااااحه (من اعماق قلبي اتمنى لايتاهل المنتخب لكأس العالم )
لاتقولون مافي وطنيه بالعكس انا ابو الوطنيه(مابي احد يضحك علينا ويصنع مجده عن طريقنا في كأس العالم بأهداف تاريخية في شباك الاخضر السعودي).