[الســرف]

صباحكم عسل

يوم الامس كان يوم حافل " اقصد الاحد "

كالعاده صحيت الساعه 9....ودشدشنا وتجهزنا وخرجنا ..وتقع المفاجأه

السياره مصدومه

اطالع يمين يسار ..تعرفون الواحد لما يتفاجئ وخاصه توه صاحي من النوم تلقونه مسوي كذا

لاحول ولاقوه الا بالله

المهم طلعت فيها وشغلتها وانا جالس اطالع والقى بوية سيارتي في الجمس حق الشايب

عاد انا متعود على هالجمس ومن قبله الفورد انها تاخذ حصتها من سيارتي من كل الجوانب

بس هالمرّه قسم انها " عداوه "

المهم شوي هانت ولا تكون من واحد صدمها ومشى

المهم وصلت العمل

وعمل لحد الساعه 4 تقريباً وتحدث مشكله بين اثنين من الزملاء بقسم آخر

رحت اشوف لأن الإثنين زملاء ونبغى نحل المشكله

بس وصلت ومعي بعض الشباب إلاّ وواحد منهم ماشي طبلونه ومحضر في الثاني ومعطيه " بوقس " لكم الله مارفع يده غير والدم يصب والثاني طاح دايخ وماقدر يوقف

لاحول ولاقوة الا بالله

ونشيل اللي انضرب ومعنا الطرف الثاني بالمضاربه ونروح الطوارئ وكشف واشعه والواحد قرفان من عمره يبغى يروح بس شنسوي لازم ننهي الموضوع ومانخليه يتضخم

بعد الاطمئنان على سلامته
جلسنا معاه وحاولنا فيه وهو رافض وغير يأخذ حقه
بس ورميت عقالي عليه ...داخل على الله ثم عليك
والزملاء يطلبونه ....ووافق وتنازل وتصالحوا وتصافحوا
سوينا محضر بالموضوع ونهايته بالصلح وان مافي طرف يطالب الثاني <<< كل هذا وحنّا برمضان والشياطين مصفده

خرجت من المستشفى الساعه 6 ووصلت البيت قبل الافطار << ولا احد سأل ليش تأخرت

فطرت وجلست عالتلفزيون ولكم الله قبل يخلص طاش وانا

الساعه 10 ...صحيت

ايه ماقلت لكم

عاد وانا جالس عالافطار اطالع في ابوي ولا كأنه صدم سيارتي

بس فتحت الموضوع

قال ياولدي ترى هالسياره منحوسه ههههههههههههههههههههههههههه

اشتر لك وحده غيرها

انصدمت اكثر من مره <<< هو يقول كذا وانا اقول والله محد يصدمها غيرك

السياره لسى موديل حديث ويقول غيرها

دخل الفكره براسي وقاعد افكر

المهم بقول لكم شيء

تعوذوا من الشيطان وخلوا كل فعل سيء له رد فعل ايجابي مساوي له في المقدار ومعاكس له في الاتجاه

لاتتشائموا وكل شيء قدر مكتوب

وهات شوركم في نوع السياره اللي ممكن اشتريها


بس الله يخليكم

تكفون


لاتقولون


































































انتظر جيب نسيم يمكن تفوز به

تشاوووو