[عبدالله الطنيني]

[align=center](مـــلاك الــــحــسن)[/align]
[poem=font="Simplified Arabic,6,#181804,bold,normal" bkcolor="" bkimage="images/toolbox/backgrounds/49.gif" border="double,7,#400000" type=1 line=0 align=center use=ex num="0,#400000"]

يامـلاك الحسـن يابـدر الكـمـالِ=قلبي المشتاق لـك بيـدك مصيـره
ما بقي للصبـر فـي قلبـي مجـالِ=وانهزام الروح صرت علـى شفيـره
إن عطفـت عليـه يالخِـلّ المثالـي=وانتشلت الروح من حالـة خطيـرة
وان تركتـه ينتهـي يابعـد حالـي=كيف تِزْهق عاشقٍ لـه فيـك خيـرة
وشْ بقى لي في غيابك وشْ بقى لي؟=غير نار الشـوق يلفحنـي سعيـره
إنتظـرت سْنيـن وسنيـنٍ طــوالِ=قلت يمكن صاحبي حاسـب ضميـره
أنت شِعْري أنـت فكـري والخيـالِ=وانت نبض القلب وانت الّـي تديـره
وانت نور الدرب إلى غـاب الهـلالِ=وانت درب السّعْد وانت الـي تنيـره
كـم سقيتـك ودّي العـذب الـزلالِ=وانت تسقيني من الفرقـى المريـرة
يا غزال الريـم مـا مثلـك غـزالِ=فاتنـة يالضّبيـة الغَيـدا الصغيـرة
جل من سـوّاك واعطـاك الجمـالِ=دون وصفك حار فكـري والبصيـرة
خصّـك الله بالجـمـال وبـالـدّلالِ=والعفـاف وشيمتـه عنـدك وفيـرة
تشتكي عيني سهـر طـول الليالـي=دمعها كـوّن علـى خـدّي بحيـرة
من عرفتك صار في الحـال اختـلالِ=واصبحت سولاف ربعـي والعشيـرة
حالتـي مـا بيـن ميـلٍ واعتـدالِ=مثل قصّـة قيـس للعشّـاق سيـرة
يا كحيـل العيـن صوّبـت النِّبـالِ=والعيون السود فـي قتلـي مغيـرة
ما نقاوي حبـك الـي سـمّ حالـي=واشتكـي لوجـاع وجّـروحٍ كثيـرة
صورتك مـن حيثمـا اولـي قبالـي=والمشاعـر عنـد ذكـرك مستنيـرة
فارحم القلـب المولّـع يـا حلالـي=خافقي عندك توسّـل وانـت اميـره
يـا مـلاك الحسـن يابـدر الكمـالِ=ارحم الولهـان فـي كفـك مصيـره[/poem]
[align=center]
حقوقنا محفوظة حفظكم الله

[align=center]وسلامتكم يا كرام[/align]

[/align]