[العندليب]

بسم الله ..

اللي ماهو رايق لا يدخل اليوم
مذكراتي من بدايه رمضان ..
قبل كل شئ القراءة ذوق ولذه << اننننننه

طيب ..

أول يوم صمت في الرياض وبعد الفطور على طول مسكت خط الرياض متجه على الديره ..
تسحرت في الطايف
وقبلها تعشيت قسيمه من أمن الطرق << يقولون إستمارتك مطوفه ..
ماعلينا
حركت من الطايف على الفجر
وصلت للديره الساعه 6 الصباح ماصحيت الإ على العصر ..
سلمت على الأهل
شميت ريحة خبزه مقناااه ..
أثاري أمي الله يحفظها مسويه خبزه مقناه << جاااري إرفاق الصورة في وقت لاحق ..
المهم
أفطرت ذاك اليوم
جلست أسبوع في الديره .. وحركت على الطايف ..
ثلاث أيام
عوضت أيام الطفوله ورحت الملاهي وخسرت 500 ريال تذاكر نصها باقي معي ..<< ماحد سألك ..
المهم ركبت قطار حديقة الملك فهد << بروفة لقطار الشلال
تكوة ثلاث أيام في الطائف ولا أحلى
ونااااسه من جد ..
رحت اليوم الثالث على جده ..
جلست تقريباً عشرة أيام
كانت فلللللللللللللله من جد
رحت الشلال وحديقة المرسى ...
خنبقنا شويه ..
تلاعبنا ..

أخوكم في الله
ركب قطار الموت اللي في الشلال ..
قعدت بعدها ثلاث أيام مدري من اللي حولي ..
>> تهور وندم ..
الجو كان جونااااااان << عاد الرياض يقولون من يوم رحت عنها غبااار وحر ..
وأسألوا اللي يدري ..
وجده كانت حر ورطوبه ألين جيتها وجا معي البراااد << قولوا ما شاء الله ..
المهم
مالكم بالطويله ..
تونسنا في جده
قابلت عبااادي وهاااوي
وقبلها قابلت أبو عادي العدواني في إستراحه شباب الجماعه
وطلق ماتدفع في العشا ولا ريال
المهم
تذكرون مبارات السعوديه والبحرين في أستاد الملك فهد
من القهر يوم أنتهت شديت عفشي وحركت على الطايف ..
بالرغم قان فيه إجتماع كلمني عليه أحد الأخوه في المنتدى
مائدة إفطار تجمع بعض أعضاء المنتدى
مثل أبو عادل العدواني .. صالح بن فارس .. على الحسني .. علي الزهراني ..
بس مالله قدر بالرغم من رغبتي في اللقاء بهم
ولكن إن شاء الله الأيام جايه ..
دق علي أبوي قال إحنا طالعين الطائف ..
قلت طيب أنا بسبقكم ..
رحت نظفت البيت ..
واليوم أستقبلت أهلي وفطرتهم << قسم مادفعوا ريال ..
جبت لهم فول من الغامدي ..
بس أمي الله يحفظها
جابت خبزة مقناه ملفوفه في منشفه << والله إني صادق ..
أفطرنا وعينا من الله خير ..
أنعزمنا على العشا عند زوج أختي << طيب قل أختي
المهم تعشينا وتمشينا ..
وها أنا أكتب لكم مذكراتي المختصره ..
فوق السطح والجو جنان ..
مع منظر خيااالي من علو السطح << حلوه علو..
يطل على البرج وبعض أحياء الطايف ..

مازلت هنا ...
إلى أمد يعلمه الله ..
أذن بروح أصلي ..

بس ممكن طلب ..

لا أحد يدقق ..
أبوي جنبي يسلوف معي وأنا أقول أيوه مدري وش يقول << جالس أكتب ..
جهااازي عليه رقم سري وأحرجني أبوي << طلبه مني وأعطيته ..
لا تستغربون إذا شفتوه يدردش معكم في قسم الإستراحه ..
لا لا
هو يحب التصفح ..
اليوم يقولي عطني موقع فيه قصايد عرضه << هبيت له هبيت له ,,,
بس الله يعين شكل الجهاز بيتصادر ..
يستاهل أبو عبدالله ..
لو أحسب عطاياه ماسددت الين أمووووت ..

أسمعه يقول الصلاه الصلاه ..

تصبحوووووووووووووووووووووووووووووووون ...