مدري أنا صح ومخطي زماني
ولا الخطا مني وزماني هو الصح
تتغير الدنيا وأنا في مكاني
أنا وحدي والاهــــــات والجرح
معرف أبدل داخلي بشخص ثاني
ومعرف اغير طيبتي وطبعي السمح
ومعرف أكون إلا أنا لو أعـــاني
مهما الردي "حظي" خذلني ونسى الفرح
أحلم وليلي يمتلي بالأماني
ويهدها فجأه على راسي الصبح
مليت وماملت من عذابي الثواني
عمري قضى كله خساره بلا ربح
وتعبت أدور جواب بلساني
ذاك السؤال اللي ذبح خافقي ذبح
يا نــاس هل أنا اللي صح ومخطي زماني
ولا الخطا مني وزماني هو الصح