[علي الحسني الزهراني]

رمضان كريم على الجميع وكل عام وأنتم بخير

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

لفيت ياشهر الصيام ولاعرفتك في وجيه الناس = لفيت والدنيا تعاني ماتغير شي بالدنيا
حتى أنا في عين غيري صورتي مسلوبة الاحساس = ماحركت وهج المشاعر داخلي ترحيبة اللقيا
لي عام متحريك ماشيٍ تغير غير شعر الراس = واخلفت وعدي لك بتوبه صادقه مايعتريها ريا
ادري بتزعل بس ماهو في يدي ترتيب ماينحاس = حاولت جهدي لين كل الحيل مني ما قوى جريا
أعذار ماتنقال واسباب البلا ماتنحسب بقياس = يبي يجي لي يوم واشرح كل شي من الألف لليا
ما تدري ان الشعر تغشاني صنوفه لاطرى الهوجاس = ماهو مخليني بحالي يمتحني لاطرى طريا
تدري وش اللي حل بي من كارثه وش صابني من باس = تعال صبح العيد واعطيك الخبر وش صار بالدنيا[/poem]