المشاركة الأصلية كتبت بواسطة فيوق
يازين يوم اني وانا وانتي صغار توما لبست شماغ وانتي عبايه ... بالطول ماناصل خمس اشبار دايم نقيس اطوالنا بالمرايه... مابيننا شي نخبيه واسرار ماغير لعب اطفال وكل الحكايه.. ماهمنا موجز ولا نشره اخبار التسليه صارت وسيله وغايه.. بالمدرسه نزعل على شان الاصفار انتي سبب لعبك وانا غبايه ... ياما تهاوشنا على كيس فوشار انحاش به وافرح بطردك ورايه.. وان قلتي يافلان ياويلك من النار اخاف واستسلم وابين خطايه... والى ضربتيني تقل بيننا ثار وان قلت كافي قلتي ماهو كفايه.. والى خلصتي ضرب يمين يسار اخذتي الفوشار والي معايه... والى زعلت وقلت ابا اروح للدار صحتي وقلتي آسف ياغلايه.. واصدقك وافرح بعد ذيك الاعذار واجيك لا حاقد ولا احمل وشايه .. ولو اشوفك مع بشر غيري اغار ولو كان اخوي او من أعزاصدقايه.. واركض لخوك واقول شفها مع كبار عشان يفرض لي عليك الوصايه.. هــذي طفولتنا براءه وتذكار دايم نحن اليا ذكرنا البدايه... واليوم ابا اكتبها سوالف واشعار وافكر انتجها بفلم وروايه...