يطيب فكري كل ما حان ذكراك
ذكرٍ غديت بداخله مسكٍ وطيبي
طيب يطيب بجيتك حتى مسراك
وشلون روحي ما تطيب وأنت طبيبي
أنت حياة الروح وبالروح اشراك
وأنت نظر عيني وكلي يا حبيبي
إن غبت عني خافق القلب يطراك
وان جيت يمي كل خيرٍ يصيبي
أحب أنا اسمك وذكرك ولقياك
وأحب كونك يا الغلى مني قريبي
كل مافيك طيب عسى الطيب دنياك
ذوقٍ وأخلاق ورايٍ صويبي
مناي يالغالي اقضي العمر وياك
حلوٍ ومرٍ ونفـسٍ تطيبي
وأدعيك ياللي ما عاد مردود لي ياك
يا الله يا عالم كل ظاهر وغيبي
تجمعني بالغالي إلى يوم لقياك
هذا هو ظني وفيك ظني ما يخيبي
لـروحي
