[سلطانة]

مشكور اخوي الصغير1 على هذي الفكره والطرح الجميل..

يشرفني ان اكون من اول الضيوف بس تعرفون يمكن انا البنت الوحيده بين الضيفين الكرمين وطبايع البنات تختلف شوي
ببدء بالاول باجواء العائلة..
رمضان ببيتنا يتميز باللمه والسكينه والالفه وبما اننا كلنا بنات بالبيت احم احم الله يحفظنا تلاقي برامج رمضان لها اهتمام
تعرفون بنات عقولنا فاضيه بس انا بالنسبة لي مالي اهتمام مباشر بالتلفزيون كل اللي اتابعه بهالشهر ام البنات ما ادري يمكن عشان امي ام البنات الله يحفظها..
ومن ناحية ثانية كلنا نشجع بعض بهذا الشهر نتسابق بقراء القرآن وطابور للوضوء والصلاة جميع ولمة على السفره من فضل ربي
الله يكتبلنا ولكم الاجر والثواب

ومن ناحية عامه انا اصلي الفجر واقرء قرآن شوي وانام واقوم للظهر صلاة وبعدها بالمطبخ مع الوالدة وبعد الفطور اخذ لفه سريعه على النت وبعدين تجيك التراويح وبعدها جلسة عائلية من احلى مايكون

ولو نجي نتكلم عن الاكل انا عندي مآساه معينه بس اللي راحمني فيها ان الوالد الله يحفظه بصفي وان غاب طاح حظي ذوقي بالاكل غير خواتي وامي انا ابي حشوة السمبوسه لحم وهم يبون دجاج انا ابي الشوربة بلحم وهم بعد دجاج ومايحتاس غير الوالدة تبي ترضي الجميع مسكينة بس دام الوالد معاي ماينخاف علي السفره يعم فيها اللحم غصب عليهم ونسكتهم بكم سمبوسه دجاج تسكيت..
واذا خلصنا من الاكل نجي بالمشروبات هم يحبون الفيمتو وانا السنكويك برتقال حالتي حاله معاهم..

ختام ماقدمت تمنياتي للجميع برضا من الرحمن والمغفره والرحمه والعتق من النيران

وخالص شكري للاخ
الصغير1