[₪ ـآحسآس ع ــآشق ₪]

××


الله يهديك يالصغير مآلقيت الا انااا تعرفني مآآحب الكتآبه ابدآ

لكن لعيونك عشآن شرفتنااا جــدهـ

لكن بحآآول اختصر لك لاني مآآنيب رآعي طويله

●●●


رمضآن هذا غير عندي
يعني كووول يوم له جدول خآص عندي
عندي تطبيق في الكليه وعندي دوآم < بس يوم ادوام يومين لا

الموهيم يآآصديقي الصدوق

والله مدري من فين ابدأ لك


●●●


الساعة 9.30 اروح الدوااام ارجع السآآعة 12.30 تقريبآ
اصلي الظهر وبعدين اخمدهــآ نومه لمن الساعهـ 5.30
وبعد مآقوم لازم اصلي العصر والله اغلب الاحيآن تفوت عليه صلآة العصر في الجمآعه دعواتكم ان الله يهديني
وطبعآ لازم اشوف طلبآآت الوالدهـ


●●●


وبعدها نتجتمع ع الفطور انااا والوالد والوالدهـ < اخويه يدرس في المدينه وخيتو متزوجهـ يعني مآبوهـ غيري
بس احاول استغل الوضع اخلي الوالدهـ تدعي لي لوحدي
المهم أم محمد لبى قلبهااا تجهز انواع الاصنآف مع انها من كهيل الديرهـ بس تعلمت الاكلات عشآآني تعرفني مآآكل من يد الشغالات
وأبويه عآآدته كل يوم حرااااااااااام وش ذا الاكل يفطر حآآرهــ كامله
الوالدهــ مآآهو لك لمحمد لبى العرب والله يآآآميمتي

المهم اروح اصلي المغرب ارجع البيت ولا احصل امي مجهز لى ذآك الحلى


●●●


عآدة تعرفون بعد المغرب مسلسلات الله يتوب عليناا منهاا لمن العشآء

العشآء اروح اصلي العشآآء وآوصل امي التروآآيح وبعدين ارجع والوالد يرجعهااا الله لايهينه

ارجع البيت والبس اذا كآآن في دوري كوره رحت إذا مآآفي ارحو مع خويي ندج ولآ نروح نقضي عآآد تعرفون العيد قرب كل عام وانتم بخير


●●●


طبعآآ كذا يكون لي حول 8 سآعات مآآشفت عيال اختي دآنه ورعد
يعني لازم يآآروح اجلس معهم ولا اجيبهم يتسحرون معنااا
المهم نتسحر اناا والوالدهـ والوالد وعيال اختي
بعد السحور اقعد اسولف مع عيال اختي شوي بس لازم مآآيجون البيت إلا في شي افقدهـ
اخر مرهـ البطآآريه حقت الريموت رموهآآ
بعدين اوصلهم بيتهم


●●●



وطبعآ لازم امر على حآآرتناا القديمه
يعني مستحييييييييييل يمر يوم ومآآشوف عديل الروح وفهد وكآتم وأحمد عبدالله ملك وحرامي شبآصآآت فديتوهآآ هو ولبسه الجديد صراحه خقق عليه ... والعيال كلهم
هآآآذي الايااام صرت اتكي في عزبة ولد خالي < فهد يقولي صرت حق عزب ( مآهكذا تورد الابل مدري شسمه

المهم نتكي لمن الساعه 7.30 تقريبآآ وبعدين انااا يآآآروح اجلس ع النت إذا مآفي دوام اذا كآآن فيه دوام اروح اداوم


●●●



والله بدآية الصوم | سنه ثالث ابتدآئي تعرفون بدآيتهااا صوم مش الحآل في سنه خآمس
البدآيه الحقيقه ولله الحمد دعوآتكم ان الله يثبتنآ ع طآعته

الموآقف والله مآآذكر لكن بقول لك موقف صآر لي قريب

المهم كنت اوصل عيال اختي بيتهم وكان وقت صلآة الفجر
وبنت اختي تآكل حلاوهـ شوي البنت لبى قلبهاا تعطيني واناا قآعد اكل
حلاوهـ ابو نص واناا في الآشآآرهـ شفت مطوع يطالع فيني وي قلت انااا وش مسوي
طلعت اكل حلاوهـ واناا صآئم


والجدول يتغير ع حسب الظروف


●●●


اعذروني ع القصور
ادري الموضوع ملخبط وكله دش
الله يعينكم


××