[ابوساره]

[poem=font="Traditional Arabic,5,#756970,bold,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]

مالي غنى لو قلت مانيـب محتـاج=شلون ينسى الغصن مدة جـذوره
ربيت في حضنك بلا هم وازعـاج=رباني اللي عشت راهي عصـوره
جدي عساه بجنـة الخلـد دواج=اللي تعيش المرجله فـي قصـوره
وابوي راعي الطيب وسراجه سراج=اعيش تحت امره واضوي بنـوره
ذولاك روزة ديرتـي قمـة التـاج=ريف الضعيف اللي تصافق بحـوره
ماهي غريبه ذكرهم بالشيـم راج=الأصل طيب والذهب في سطـوره
قد قال ابوي وعشت ما قال منهاج=اللي يدور طيب يعرف جسـوره
وانا دريت ان ديرتي دونها سيـاج=ما يدخله غير الرجـال النمـوره
فران يانورالقمر وسـط الابـلاج=فران يـا طهـر المطـر ياغـروره
انتي تعديتي علـى روس الابـراج=طاولتي نجوم السما يـا جسـوره
عشتك ولا دورت لي منك مخراج=من عاش حبك ما يفكـر يبـوره
يموت ابووجهين ما يدخلـك داج=بيت الشرف لا يمكن انـه يـزوره
فران والله لو تباعـد بنـا فجـاج=يبقى الهوى للدار معلن حضـوره
ربيت في حضنك بلا ضيق وازعاج=الأصل طيب والذهب في سطـوره
محتاج لك لو قلت مانيب محتـاج=شلون ينسى الغصن مدة جـذوره[/poem]