.
.
.
.
.
.
.
.
.
.
.
.
ثـلاث اهـــداف يا نـوره
......................... وأنا سـاكـت ومتـــباااهي
هزيمـة ( حب ) أو ( كوره )
......................... سـوا , يلعـن أبو الشـاهي :
دَلَقـْتـه فــوووق تـنـوره
......................... صرختي : ( ليش ؟ ) وشفاهي :
ورى حرفيــن مكـســورة
......................... نطقت : ( الله يا اشبـاااهي ) !
تعااااالي نبتدي ( اللعبة ) من الأول
من الماضي
دخيلك يالله نتحوٌل
من اول حكينا الفاضي !
هنا ندخل في ( اللعبة )
هنا من أبسط الأشيا الى الصعبه
ونستغرب :
أحد يولد فقير وفيه احد أغنى
أحد مو لاقي يتعشّا
واحد يحصل على مليون من مغنا
وياخذنا الحكي الفاضي
من النصّاب
من الفرّاش إلى السوّاق إلى المسئول .
من اكبر موظف ينهب الدوله
إلى أصغر موظّف ملّ يفطر ( فول ) !
دخيل ايديك يانوره
أنا شاعر عجز لا يشغل الجمهور باهدافه
ولكنّه رفض رشوة لغه ،
تطلب شعر تافه !
قالت :أبخسـر عشان تفوز
......................... قلت : العبي لو سمحتي زين
قالت :أبهزمك , قلت :يجوز
......................... لو انهـزمت انتصر بعـدين
الحـظ يحتـااااج فك رمـوز
......................... ويحتاج ( لغز القدر ) شوطين !
قالت العب من جديد
قلت : كم ظالم تدك الأرض رجلينه بحريّه
وكم مظلوم رجلينه يطوقها الحديد !
قالت : العب
قلت : لكن ، بعد احرر من سجون الشاشة الآف العبيد !
ماعرفت النصر يانوره سوى في ( حصّة التاريخ )
لمّا كانت الغزوة تقررها عصا أستاذ
متحمسّ لـ ( ربط ) الخيل في ذهني
ولكن :
للأسف ماكان هذا من حماسه لانتصارات العرب
والا صناعة جيل من طلاّب يبنون الحضارة
كان همّه كيف ينهي منهجه ، و ( يحلل ) الراتب
ويتقيّد بتعميم الوزارة !!
كنت اظنّ أنّي بـ .. اشوف فـ .. نظرته :
عثمان بن عفان في جيشه يغير
للأسف : شفت الوزير !!
قالت : العب
قلت : يالله
قالت : ابغى السرعة أَزْوَدْ
قلت : اشوف النصر ( كذب ابيض )
واشوف ان الهزيمه ( صدق ، أسود ) !
هو ( لعبتك ) عمـري اللي به تسـليتي
......................... من حزن ماضيـه , لا ( كوميديا ) الأتي
ياليـتني نمـت , أو ليـتك تعشــيتي
......................... أو انشغـلنا بحـاجه غيـر مأســاااااتي
شفتي ( يـ بنت اللذينا ) كيف سوّيتـي
.........................( وش دخّل ) اللعـب في لعبـك بونّاتـي
في داخلي ( ذات ) مهـزومه ، ولو جيتي
......................... ما كنتي اوّل ولا آخـر من هـزم ذاتـي
مليت (الاعبـك ) يا نـوره ومليتـي
......................... لاعشـت نصرك ولاعشـت انهزاماتـي
تعالي نطفي ( اللعبة )
ونطوي ( السلك ) من ( توصيلة ) الكهرب ، بلا احساس ْ.
ونرقد ، وان سألنا الوقت قلنا له :
رقدنا زيّ كل الناس !
:
لـ المجنون / عبدالمجيد الزهراني 