مرحبا ...
كيفكمـ بنــــآت < وراها مصيبهـ
تعرفون الزمن هذا صار صعب انك تلاقين معرس فل اوبشن
من شان هيــــكـ .. ولوجه الله فقط
حبيت احصر لك الراغبين بالزواج .. ومواصفاتهم ... عشان ماتحتارين بالسؤال والبحث والتحري ..
طبعا وصلتني عروض كثيرهـ من الشنبات .. بس انا اخترت اقوى العررروض
الشايب الاول قصدي الشاب الاول
مجوديـنـتـش السفاح218
العمر :
من زمان موجود
الشهره :
(راغب علامه نيقتف)
من جذور اسبانيه ولكن درجات الحراره وعوامل التعريه خلته يشبه
عبدالله بالخير بس بعد رجيم قاسي جداً .
مواصفاته
1 - يشوف وهو داخل البيت اللي بالشارع الثاني .
2 - عنده اعتقاد ان التلفون يسبب حساسيه في الابط .
3 – ما ياكل غير العدس يعني اقتصادي جداً .
مؤهلاته :
ثاني ثانوي ليلي دور ثاني
هواياته :
جمع علب البيبسي القديمه .
الركض حافي الساعه الثانيه ظهرا
ادخال اصبع رجله في خشمه في وقت الفراغ
قنص العصافير بالنباطه !
============
الشاب الثاني
واثق الخطوهـ
العمر :
تو الناس
الشهره
( ابوكشره جنان )
يقال انه من اصل لبناني ولكن الصخونه اللي صابته يوم عمره سنه
خلته تقل واحد من اهل النيجر .
مواصفاته
1 - يلبس ثوب شتوي طوال العام وسروال رياضه فقط .
2 - طموح ومكافح يعمل الان في محل ابوريالين.
3 - عنده قدره على تحمل العطش لين يفرجه الله .
مؤهلاته
شهادة ميلاد فقط ويبي الثانويه وهي ماتبيه
هواياته
تسلق اعمدة الاناره
السباحه في الحووش
تكسير الزجاج بملعب الحاره
لعب البلوت على الرصيف اللي قدام البيت
=========
الشاب الثالث
اكوس واحد
العمر:
22 قبل الهجره
الشهره
( ابو مرداس)
تسري شائعات بين جمهور المعجبين انه مطلوب امنيا .
.
مواصفاته :
1- يقول انه بسوي شعره كدش مع العيد < نيولوك
2 - يستطيع القفز من الدور الثاني ولا يصاب بشي
3 - سره لم يقطع الى الان واصبح يستغله للعبة شد الحبل
مؤهلاته :
ماجستير ركض فوق الجدران وشهادة الابتدائيه
واخذها بالعافيه .
هواياته :
النوم تحت اقرب سياره صافطه
مطاردة قطط الشارع
الرقص بدون اغنيه
التفحيط باالسيكل ابو ثلاث كفرات
==========
الشاب الرابع
فــ(هــ)د الزهراني
العمر :
كبر القاع
الشهره
( ابو راسين)
اثبتت الدراسه انه هذا الشخص احد امرين اما انه احد الفراعنه
او انه ديناصور سخط الله به وخلاه انسان وهو مرجووج المنكبين .!!!!
مواصفاته
1- ماتحس انه موجود الا اذا شفت خشمه
2 - ينفع لاصحاب المزارع لكي يصبح ( خيال الضل ) اللي يخوف الطيور
3 - اثبتت الفحوصات انه يحتوي من الداخل فقط على مصران دقيقه
مؤهلاته
ثاني ابتدائي يوم كانت المدارس خيام
هواياته
جمع اللزقه الزرقاء اللى بباكيت الدخان ( على باله جمع طوابع )
تربية الضبان اليتيمه < حنون
لعب الكره بقوطي سفن اب
تنسيم كفرات السيارات اللي بالحاره
==========
الشاب الخاامس
((فيوق))
العمر :
بدري عليا
اسم الشهره
( ابو مشعاب)
ثبتت الدراساات انه من سكااان الباديه اللي بالربع الخالي اسمه محقان ويدلعونه طلال
مواصفاته :
1- لاطويل ولا قصير لاسمين ولا نحيف لاابيض ولا اسود((متوسط في كل شي))
2- مايلبس الا ملابس الرياضه ام خطين
4- الزين عندنا والشين حواليناااااااا(( كثر منها))
مؤهلااته
1 ماجستير فرفشه وثقافه دينييه وثقافه رياضيه
2 ماجستير نياق وحصل على شهاده في معرفة اوسمة النياق لكل القبايل
هواياااته
1 - الفرفشه اغلب الوقت
2 - الجد اقل الوقت
3 - رقصة سلو
4 - لعبة كرة القدم في الحواري بقواطي بيبسي
======
ذكرى المفارق ..
العمر :
مدري بس اضمن لك انه فوق العشره
< مصداقيه
اسم الشهرهـ :
abdallah Jackson
مواصفاته :
الطول مابين 160 - 166
خفيف العارضين ..
يستعمل فريند لفلي باستمرار لين صارت عيونه زرق .
.
مؤهلاتهـ ..
اجاده تـــآمه لرقصه moon walk .. خاصتن لما يحس بالحنان .
.
دورات في نفخ السليكون
خبره لاتقل عن 3 سنين في مجال طبخ الاندومي ( مسقعه اندومي , اندومي بالباشميل , اندومي بنكهه البرتقال , الدغابيس بالاندومي المقرمشه ) والكثير الكثير ..
واللي بتوافق عليه بيهديها 3 البومات لمايكل جاكسون وتيشرت مخطط بفسفوري < مسوي مغريات
وطبعا البناااات لهم الحريه في الاختيار او الرفض
كان ودي والله احط الصور .. بس تعرفون مانبي ذنبكمـ وحده تخق مع صوره والا شئ
اتمنى محد يزعل من الموضوع لانه للضحك والوناسه
>>>صايرة ذوق اليوم
تشــآو ..