[عبدالله الطنيني]

[align=center]
السلام عليكم ورحمة الله وبركاته

من العايدين ، وكل عام وأنتم بخير

(عادت اعياد الهنا يا وطنـّا)

أبيات متواضعة بمناسبة عيد الفطر المبارك ، أعاده الله على هذا الوطن الغالي ، والمليك المفدّى

والشعب السعودي الأبيّ ، والأمّة العربية والإسلامية بالنصر والسؤدد ، واجتماع الكلمة على الحقّ [/align]

[poem=font="Simplified Arabic,6,#0E0E0F,bold,italic" bkcolor="" bkimage="images/toolbox/backgrounds/16.gif" border="double,4,#400000" type=2 line=0 align=center use=ex num="0,#400000"]
وش يقول الشاعر ايلا تغنّا=في مواسم كل عيدٍ سعيـد
غير شعرٍ يحتوي كـل فنّـا=في مضامينه ولحن النشيد
عادت اعياد الهنا يا وطنـا=لا مضى عيدٍ يجي فيك عيد
واقبلت لفراح منّـا ومنّـا=عيد توحيدٍ وفطـرٍ مجيـد
حن على طاهر ترابك سكنّا=في سعادة : جدنا والحفيـد
بالكرامة والغـالا تحتضنّـا=يا وطنـا للمعالـي تشيـد
كل ساكن فيك بارك وهنّـا=يا ملكنا جعل عمرك مديـد
خادم البيتين عطفك شملنـا=والجهَل والفقر عنـا بعيـد
كفك الجواد ما هـو يمنّـا=من عطا الرحمن خيرك يزيد
لك سلامي يابو متعب ملكنا=من شغاف القلب صدقٍ أكيد
ولعموم الشعب تسليم منّـا=عبر هذا المنتـدى البريـد
يا بلاد الخير مهمـا بذلنـا=حن فدا اركانك وربي شهيد
عادت اعياد الهنا يا وطنّـا=كل يومٍ فيـك عيـدٍ جديـد [/poem]

[size=7[align=center]]وكل عام وأنتم بخير ، مرّة أخرى[/align][/size]