[ღ.. وآثق الخطوة ..ღ]

قبل أبتدي عندي طلب ركِّز طلب ماهو " رجاء " !
مـا أبي تجاوبني .. ولا تستغرب إني أسألك

لا تعتبر جمر الحكي من شاعرك يعـني " هجاء"
لو كنت بهجي حضرتك ما خفت منِّك .. قلت لك!

هذي القصيده مصنِّفه في دفتري قصة " رثاء "
حبٍ يمـوت وتنولد .. وحبٍ يعيش ويقتلك!

ناديت لك ياما .. ولا لبِّيت لي , وضاع النداء !
مبحوح صـوتي والصـدى من كثر مـا ناديتلك!

أقرب مـن ثيابي عـلي وأبـعد من نجوم السماء
ورغم إبتعادك والتعب ..أرسم طموح وأمهلك ..