[حسين المعنى]

[align=center]ياصاحبي وشفيك ساكت ومحتار

موضوعنا ماهو بمحتاج حيره

تعال واعطيك الخفايا والاسرار

والله يجازي من يبيح السريره

مادام لك عندي معزه ومقدار

روحي علي شي(ن)تحبه قديره

لك الغلا والحب لو صار ماصار

ويالله عسى فالامر خيرن وخيره

لك الله اني محتري لك على نار

متلهبه وسط الضماير سعيره

ماهي بمن يومين ركزت الانضار

فتره ورب البيت ماهي قصيره

لو قلتها لك قلت غادي وثرثار

لاكن وربي مالقيت البصيره

متوقفه فالوجه مالي سوى اخبار

تبكي وتفرحني بديره وديره

من بعد معبودي فنا شخص نصار

يوم ان كلن مايلاقي نصيره

انا دخيلك لا تجيني بالاعذار

ارحم محب(ن)صار حبك اسيره

ثار الوله والشوق في داخله غار

شكل غرامك في عروقه مسيره

يابسمة الدنيا وياشمعة الدار

ياواحد(ن)مالي من البيض غيره

يالايع الملتاع يانور الابكار

يابدر كوني ياشذاه وعبيره

ياماسح الاحزان ياماح الاسعار

ياللي بهذا الكون مافي نضيره

العمر منته لاحق العمر لاطار

العمر حاله مثل حال الضخيره

محتار عقلي معك والقلب ماشار

ياكيف قلبك كل لحضه تشيره

ماني ولد هامه ولاني بغدار

واللي بطل ماهو بغادر عشيره

متى يجينا منك او عنك بشار

وارتاح يا ما لك فوادي واميره

واوعدك يانسل الاصاله والاحرار

متشوف مني غير حب(ن)وغيره

وان قلت لك روحي وقلبي والافكار

ماهي بحقك ياحبيبي كثيره

هذي النهايه مابها امجال واخيار

من بعد ربي كل شي(ن)تديره

الامر بيدك لاتقل حكم الاقدار

كلن على كيفه يحدد مصيره

تمت وصل الله عدد وبل الامطار

على الذي جاء من حجاز الجزيره

محمد اللي بين الاجواد مختار[/align] اللي لحد اليوم موجود خيره