[ღ.. وآثق الخطوة ..ღ]

حل الفراق ولابقى الا ثواني للرحيل
خليني اخذ دمعتك وامسح بها دمـع الجروح
ياغاليه هذا الزمن لو يعتدل لازم يميل
ولااحد ٍ يجي الا مثل ماجا يبي لازم يروح
انا ثملت من التعب والبعد والدرب الطويل
فيني كلام ووش كثر والمشكله مااقدر ابوح
يْبس الامل عندي ولا لقيت لي برق ٍ أخيل
وبير الصبر توه بدا ينشف وبيدينه يلوح
يلوح يامزن اللقاء بالله لاتصبح بخيل
ديَم على حب ٍ ربى مابين روح وبين روح
إخذ قصيدي وإذكر احلا السهر في كل ليل
يوم السهر ريشه وانا رسام همسك وسط لوح
ماجيت لك قلبٍ خلي ولاجيت لك عابر سبيل
جيتك ابي اموت بك وبصوتك العذب البحوح
بروح واترك شرهتي تطيح في بيت الرحيل
استأذنك لازم أروح ..استأذتك لازم اروح