شفتي اختي .. ؟!
لما دقيتي على الوتر الحساس .. بطلوا يتكلموا في صلب الموضوع ويصرفون بقولة "عممتي / تعميم / مدري وشو ! "
شوفي حبيبتي ..
اللي تتكلمين عنه اسمه ثقافة شعوب !
وفي شي ثاني اسمه " الصدمة الثقافية "
ثقافة الشعوب :
بغض النظر عن الدين ، الحمد لله أننا مسلمين ، ولنا تعاليم ربانية نمشي عليها
ولو انحرفنا فهو من الشيطان لعنة الله عليه ومن قلة الوازع الديني
لو تلاحظين أن النظرة الاولى من الرجل للمرأة لو قابلها صدفة مسموح بها لأنها جات بالغلط
أما النظرة الثانية فهي من الشيطان ويؤثم عليها .. خليه يبلع في الآثام ماراح تنقبرين معه ولا أنتي محاسبه على نظراته
طالما أنك نصحتيه ولا افتهم ماعليك منه ، لكن ماتوصل فيك تشيطين غيرة عليه ، تدرين ليه ؟!
مثل ماقلت لك بغض النظر عن الدين ، احنا شعب محافظ ، لو يطلع الشاب في الشارع مايشوف إلا سواد في سواد "العبايات"
ولو شاف له بنت كاشفه بحلق عيونه مع شوية فغرة
.. لأنه مسكين ماهو متعود يشوف وجه انثى غير وجيه محارمه
عشان كذا الدول العربية وحتى الغربية يتسدحون ضحك في الشوارع على بحلقة وفغرة "
بعض" شبابنا إذا سافروا برى
وربي فشلونا .. تقولين ماشافوا خير ، هذولا ارحمهم اكثر من أني اضحك عليهم .. يمكن فعلا ً ماشافوا خير ولا حتى في محارمهم
تذكرت صاحبتي ..
تقول بعد زواجها قال لها زوجها تعبيرا ً عن اعجابه بجمالها في الشوفة الشرعية
" والله يانجلاء يوم شفتك إني خقيت خقتن ماهيب صاحية"
قالت ليه ؟
قال " ماكنت اتوقع أن في بنات سعوديات بهالجمال " ههههههههه مسكين متعود على وجيه خواته "عايشه واسماء"
حتى بعد ماسووا عمليات تجميل الله لا يبلانا بس !
هذا بالنسبة لثقافة شعبنا
أما
الصدمة الثقافية .. فهذا اللي حصل معك انتي
تعودي على مثل هذي المواقف ، وصدقيني إني وصلت لقناعة تامة أن اغلب رجالنا كذا .. اتمنى توصلي لقناعتي
حتى لو أنك ملكة جمال ومهتمه بشياكتك وعطرك ودلعك .. هذي هي ثقافته !
وتخيلي أن يجي زوجك بعثة لدولة اوروبية وش تسوين بالله
بتقولين ليه تطالع / امش مغمض ..!
خليه يطالع وامشي واثقة الخطى ، مع أن في حريم سبحان الله يخاف منها زوجها أنه يطالع غيرها
ومايصدق تلتهي بشيء عشان يحظى بلفته لمذيعة بالتلفزيون ..
وهذا اشد وقعا ً من ذاك اللي يطالع عيني عينك .. على الأقل تشوفين انه ضعيف مايقدر يتحكم حتى بعيونه
واجلسي جنبه وعايريه " ياضعيف ياضعيف "
تصدقين تحمست ونسيت نفسي
لكن اندمجت معك
رغم أن الموضوع للرجال .. بس قلت عندي دلو ودي اصبه هنا تشربون منه
تحياتي اختي .. واشكرك على موضوعك الرائع !
اختك