[خليل الحريري]

مأسآة بطاقة الأحوال المدنية في جميع المناطق وعند أغلب الناس مثل حالتك وحالة الأخ : tiger of zahran
لكن ما نملك الإ الشكوى لله سبحانه وتعالى أعاننا الله وإياك ، هذه مشاركة من الأخ : محمد تميم يقول فيها :

مره حدتني الظروف إني أراجع الأحوال المدنية علشان اجدد بطاقتي
أخذت معاملتي أربعه وعشرين يوم
والسبب إني مغير شكلي وحاط سكسوكه شفت الجريمة اللي أنا مسويها
عشر أيام علشان يتأكدون إنه أنا!
وأربع عشر يوم علشان استلم البطاقة بعد التصوير والتبصيم!
طبعاً هذا كله كوم والانتظار بالصالة الخارجية كوم من سبع ونص الصباح حتى وحده ونص الظهر

يوم استلام البطاقة صارت هوشة كبيرة عريضة ولله الحمد إني ماشاركت فيها لأني هادي وحليل
وما اقول ليه تتأخرون ، راحوا الجماعة واشتكوا ومامشت أمورنا إلا بعد ماوصل مدير الأحوال جزاه الله خير
أشرف على توزيع البطاقات بنفسه وخلصنا من جيته تقريباً ربع ساعه .

بعدها بيوم كنت مراجع الجوازات علشان أجدد جوازي وجوازات عيالي
وشايل هم إنها تتكرر نفس المعاناة لكن اللي حصل انتظار ماوصل عشر دقايق
أخذت الجوازات من باكر والاستلام ما اخذ عشر دقايق ، يعني كل قعدتي بالجوازات ماوصلت نص ساعه باليومين

الغريب إن كل القطاعين تابعة لوزارة الداخلية ، وكل القطاعين مقدم وأنا لي سكسوكه
الجوازات عرفوا إنه أنا والأحوال احتجت عشر أيام علشان يتأكدون إنه أنا أنا
فعلاً إذا صار لك عدو وتكره مره اطلب الله إنه يجدد بطاقته ويصير له سكسوكه

هذه أحدى المعاناه التي يشتكي منها أحد أفراد هذا الشعب السعودي .
طلب بسيط وهو :
أتمنى أن تكون هناك زيارات مفاجئة متكررة من مسؤولي وزارة الداخلية لمباني الأحوال المدنية في جميع المناطق
للوقوف على معاناة المراجعين ، وقد شاهدت من هذا عجباً لا ينقضي وذلاً يعصر القلب وتعباً ومزاحمة وو ..... الخ .
(( بإختصار شديد ))
الاحوال المدنية اسوأ ادارة حكومية بلا اي منافس .
دمتم بخير